Jop 42:12 - Sơ̆p Hlabơar Nơ̆r 'Bok Kei-Dei

¹² Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Jop 42:12 Referans Kwoze

Jop 8:7

Dang ei ih oei iĕ, dôm tơmam ih đei sơ̆ oei tŏ sĕt, mă-lei ning-mônh ih gô mơdrŏng tih tơpă.

Bôk Bơthô 7:8

Pơkeh ming tơdrong jang 'lơ̆ng hloh kơ 'nao pơtơm pơm plơ̆ng, chơ̆n jơhngơ̆m 'lơ̆ng hloh 'bônh kơ pơang.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Bl 24:35

Kră Yang đei ăn kơ yŏng tơ'ngla inh pŭn hiôk dêh, jing keh 'lơ̆ng; Kră Yang ăn kơ sư đei triu, Rơmo, hu hăm jên maih, đĭch đam drŏ-nglo drŏ-kăn, aseh lăk-đa hăm aseh iĕ.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Both 8:16

Lăm char glă Sư boih wei rong ăn kơ iĕm sa 'bĕng mana, mă lu 'bok iĕm tam lah băt, ăn kơ lu iĕm pơmat-tat wă pơlong lăng iĕm tuch-luch ăn pŭn hiôk kơ lu iĕm.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

Jop 1:10

“Yua kơ Ih war dur tăp dăr wei-lăng sư, hnam dơnŏ sư păng dôm tơmam sư đei. Ih tuh ăn pŭn kơ tơdrong jang sư păng ăn kơ sư tơmam rai lơ lăm teh.

Êsêkiên 36:11

Inh gô pơm ăn kon bơngai păng sem dơrong lăm char ih rai lơ păng chek lar. Inh gô ăn kơ ih đei kon pơlei oei thoi adrol sơ̆ păng ăn ih mơdrŏng hloh kơ blŭng-a. Na ih gô băt Inh boih Kră Yang.

Bl 32:14

Noh 'bar-hrĕng bơbe yŏng păng 'bar-jĭt bơbe tơno, 'bar-hrĕng triu yŏng păng mơjĭt triu tơno.

Jop 1:2

Sư pơjing tơpơh 'nu kon drŏ-nglo păng pêng 'nu kon drŏ-kăn.