Jop 38:7 - Sơ̆p Hlabơar Nơ̆r 'Bok Kei-Dei

⁷ Kơplah sơnglŏng wŏng-tar hơri hơdai. Păng lu kon drŏ-nglo Kră Yang 'Bok Kei-Dei ôr jreo chơt hiôk.

Jop 38:7 Referans Kwoze

Tơdrông Tơ'bôh 5:11

Đơ̆ng noh inh 'bôh dơ̆ng tăp dăr kơ tang-dŏ 'Bok Pơtao păng tăp dăr puăn anăn hăm 'bar-jĭt puăn 'nu lu đe kră ei, inh 'bôh lơlang lơlap ưh kơ băt dôm yơ rơbâu hơngan trĭu 'nu lu linh jang 'lơ̆ng.

Jop 1:6

Lăm minh năr ei lu linh jang năm akŭm 'bơ̆t anăp Kră Yang păng Satanb kư̆m năm hăm lu sư mơ̆n.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”

Tơdrông Tơ'bôh 2:28

Păng Inh gô ăn kơ sư sơnglŏng wŏng-tar.

Horiso 104:4

Sư yua kial pơm bơngai pơtruh nơ̆r Sư. Pla ŭnh pơm đĭch đam Sư.

Jop 2:1

Lăm minh năr nai đơ̆ng đei lu linh jang năm akŭm 'bơ̆t anăp Kră Yang, na Satan kư̆m năm mơ̆n 'bơ̆t anăp Kră Yang.

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Bl 1:16

Kră Yang 'Bok Kei-Dei pơjing kơ 'bar tŏ măt pơchrang hơdah tih; măt pơchrang hơdah mă tih hloh noh wă pơchrang gah kơ'năr, măt mă pơchrang mă iĕ 'biơ̆ noh wă pơchrang gah kơmăng; sư kư̆m pơjing kơ lu sơnglŏng mơ̆n.