Jop 38:5 - Sơ̆p Hlabơar Nơ̆r 'Bok Kei-Dei

⁵ Bu pơkă hơgăt bơih să iĕ plei teh? Dah bu đei dăng tơlei pơtŏ bơih plei teh ih hăm băt ưh?

Jop 38:5 Referans Kwoze

Êsai 40:12

Bu yua bơih tơpang sư na kŏng đak dơsĭ, yua hơđa ti sư pơtŏ lu plĕnh ti? Bu Yua hnŏng na kŏng bơih 'mui teh? Bu yua bơih 'long kŏng na kŏng kông? Bu yua bơih tơlei tơpăt na pơtŏ kông groi?

Jop 11:9

Kơjung hloh kơ teh păng să hloh kơ đak dơsĭ.

II Kor 10:16

Đơ̆ng noh na nhôn gơh năm bơtho jơ̆p kơ tơring pah to kơ iĕm, dang ei ưh tam đei bu bơtho kơ lu sư tơdrong Yêsu. Nhôn wă năm bơtho tơ noh wă kơ nhôn huay kơ pơang akâu thoi lu bơngai noh jang tơ anih đêl đe jang khan đe lui đơ̆ng sư bơtho.

Êsai 40:22

Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.

Êsai 34:11

Sem bơrơ̆m păng jơma oei tơ anih noh, sem bơrơ̆m, sem ak gô oei tơ noh. Kră Yang 'Bok Kei-Dei gô dăng hăm tơlei tơdrong pơrăm lu sư păng pơtŏ hăm 'long thưk tơdrong tơhiong lu Sư.

Tơdrông Pơđơk 8:27

Kơplah Kră Yang pơjing kơ plĕnh, păng gơwang kơ đak dơsĭ jrŭ, đei inh tơ noh.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Horiso 19:4

Mă-lei nơ̆r lu sư pơma truh jơ̆p-jang kơ teh đak, Păng nơ̆r lu sư kơtơ̆ng truh tôch teh đak.b Tơ plĕnh Kră Yang pơm hnam bơsŭn ăn kơ măt 'năr boih;

Jop 28:25

Layơ Sư ăn tơdrong kơtang kơ kial. Gơh kŏng tơng lăng đak.

Tơdrông Pơđơk 8:29

Hơgat kơ đak dơsĭ, wă kơ đak huay kơ tŏk hloh kơ Sư hơgăt, Kơplah Sư pơjing hơnă teh đak,

Jop 34:13

Bu gơh ăn kơ Kră Yang tơdrong wei-lăng plei teh? Bu pơjao ăn kơ Kră Yang pơgơ̆r đĭ-đăng teh đak?

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.