Jop 38:22 - Sơ̆p Hlabơar Nơ̆r 'Bok Kei-Dei

²² Ih hăm đei mơ̆t lăng anih mong prĕl ưh? Ih hăm 'bôh anih mong 'mi prĕl?

Jop 38:22 Referans Kwoze

Jop 37:6

Kră Yang athei prĕl: “Jruh tơ ala teh!” Păng kư̆m pơma kơ 'mi hngach: “Athei 'mi tih pru pơrach,”

Horiso 135:7

Sư ăn kơ hơmơ̆l đông đơ̆ng tôch jih kơ plei teh. Sư ăn kơmlat kiơ̆ kơ 'mi, Ăn kơ kial lĕch đơ̆ng anih mong sư.

Horiso 33:7

Sư akŭm mong đak dơsĭ lăm đak poh-yă, Păng 'măn lu đak jrŭ lăm hnam mong lu sư.

Jop 6:16

Đak noh gơsŏk yua kơ prĕl. Đak krong rai tŏk yua kơ prĕl hach.

Tơdrông Tơ'bôh 16:21

Klaih kơ noh Sư pơm 'mi pru prĕl tih huŏng đơ̆ng plĕnh kơdŭk kơdăk trăp dang pơđăm-jĭt kĭ kơtĭt kon bơngai tơ teh. Kon bơngai blei hiap 'Bok Kei-Dei, yua kơ 'Bok Kei-Dei phak păng 'mi prĕl tih krưp ei.

Le 9:18

Lei dơning trŏ jơ 'nâu, inh gô ăn plĕnh đei 'mi prĕl tih, lăm dêh Êyiptơ mă đơ̆ng blŭng-a sơ̆ khơ̆ dang ei ưh tam mă đei 'mi prĕl tih lei-lăi thoi năr noh.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Jop 38:23

Tơmam noh Inh 'măn lê̆ bơih kơ năr rŭng răng. Ăn kơ lăm năr tơblah wang.

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsêkiên 13:11

Na khan bĕ kơ lu bơngai bah chŭr tơ dur, dur noh gô hơlih. 'Mi tih gô lơ̆p, 'mi prĕl gô jur; păng kial hơbŭt gô truh.

Êsêkiên 13:13

Na Kră Yang Tih Hloh khan: “Lăm tơdrong Inh hil Inh gô ăn kial hơbŭt truh, lăm tơdrong Inh mĭl Inh gô ăn 'mi tih đak lơ̆p păng 'mi prĕl gô pơrăm.

Horiso 147:16

Sư ăn 'mi prĕl thoi sŏk triu rei 'mui tŭk kok thoi tơnuh.

Horiso 147:17

Sư tơjruh 'mi prĕl tơngiĕt thoi hơga. Bu kĕ oei tơ lăm prĕl tơngiĕt Sư ei.