Jop 38:17 - Sơ̆p Hlabơar Nơ̆r 'Bok Kei-Dei

¹⁷ Hăm đei bu tơ'bôh kơ ih 'măng jang pơlei lôch? Ih tam 'bôh 'măng pơlei măng mu gueo?

Jop 38:17 Referans Kwoze

Horiso 9:13

Kră Yang ơi, mơnat bĕ kơ inh, Lăng bĕ tơdrong pơmat-tat đơ̆ng lu bơngai areh kơ inh, pơm kơ inh. Ơ Kră Yang mă pôk hơtŏk inh hlôi kơ 'măng jang tơdrong lôch Lăng bĕ tơdrong pơmat-tat inh, Mă đơ̆ng đe areh kơ inh

Horiso 107:18

Lu sư lăng areh dêh kơ lu tơmam sa. Lu sư năm tơ jê̆ 'măng jang tơdrong lôch.

Jop 3:5

Rŏ kơ măng mu păng hơmơ̆l tơdrong lôch iŏk lê̆ năr noh; rŏ kơ hơmơ̆l gom lê̆ sư, rŏ kơ măng mu kơ'năr pơm kơ sư hli.

Horiso 107:14

Sư dui iŏk lu sư đơ̆ng lăm măng mu păng yơ̆p tơdrong lôch. Kŭm hrĕch lê̆ glang đêl chô̆ lu sư.

Horiso 107:10

Đei lu bơngai oei lăm măng mu păng yơ̆p tơdrong lôch. Đei lu bơnă pơmat-tat păng oei chô̆ hăm glang mam.

Horiso 23:4

Mă inh năm lăm thŭng yơ̆p tơdrong lôch, inh ưh kơ hli kơ răm, yua kơ Kră Yang oei hăm inh; 'long băl hăm 'long jra Ih pơlung inh.

Jop 12:22

Sư tơ'bôh ăn kơ dôm tơdrong hlơp pơm lăm măng mu. Pơm ăn kơ tơdrong pơm lăm măng mu jing hơdah đe 'bôh bang.

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Horiso 116:3

Bră tơdrong lôch chô̆ tăp kơ inh, Tơdrong pơmat dêh atâu rôp inh, tơdrong truh kơ inh pơmat păng sơ'ngon.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Jop 10:21

Adrol kơ inh năm ưh pă đei brŏk dơ̆ng, năm tơ anih măng mu găm, măng klăm hơ'bơ̆l.

Jop 11:8

Tơdrong hơgei Kră Yang kơjung hloh kơ plĕnh Na ih gơh pơm kiơ? Tơdrong hơgei Sư jrŭ hloh kơ pơlei lôch, na liơ ih kĕ băt?

Jop 26:6

Pơlei bơngai lôch tơlĕch pơdah bơih 'bơ̆t anăp Kră Yang 'Bok Kei-Dei, Păng sơlŭng jrŭ ưh kơ đei che pĕng hlơp,

Jop 34:22

Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.