Jop 36:13 - Sơ̆p Hlabơar Nơ̆r 'Bok Kei-Dei

¹³ Jơhngơ̆m lu bơngai ưh kơ lui răk mong tơdrong hil blĕk Kră Yang phak lu sư Kŭm oei ưh kơ krao apinh dŏng pơklaih.

Jop 36:13 Referans Kwoze

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Jop 36:8

Tơdah đe chô̆ lu sư hăm tơlei glang păng klêng lu sư hăm tơlei bră pơmat-tat.

Horiso 107:10

Đei lu bơngai oei lăm măng mu păng yơ̆p tơdrong lôch. Đei lu bơnă pơmat-tat păng oei chô̆ hăm glang mam.

Jop 15:4

Tơpă ih pơm kơ bơngai tơhiong lê̆ tơdrong hli yom kơ Kră Yang 'Bok Kei-Dei, Lăng ưh kơ hiơ̆k tơdrong tơchĕng pơwao 'bơ̆t anăp Sư.

II Ho 28:22

Lăm kơplah đei tơdrong truh pơmat-tat, Ahas rai pơm yoch hăm Kră Yang

II Ho 28:13

Na lu sư khan: “Iĕm 'nĕ kơ tơmơ̆t lu bơnă tơ âu; Kơnh lu bơ̆n gô pơm yoch hăm Kră Yang, lu iĕm wă pơklăm thim tơdrong yoch lu bơ̆n rai dêh, yua kơ tơdrong yoch bơ̆n tih dêh boih na Kră Yang hil mĭl tơtŏ dêh truh kơ bơngai Isơrael.”

Jo 32:14

'Nâu lu iĕm iung tơplih kơ 'bă lu iĕm, adrĕch bơngai kơnê̆ yoch, wă kơ rai pơthim tơdrong Kră Yang hil mĭl kơ lu adrĕch Isơrael dơ̆ng.

Jop 15:12

Liơ đon ih tơchĕng thoi noh? Liơ măt ih bơbul lăng ưh kơ 'bôh?a

Jop 36:12

Mă-lei tơdah lu sư ưh kơ wă mơ̆ng gô lôch kơ đao gưm. Lu sư gô lôch yua kơ ưh kơ hlôh kơwao.

Jop 36:14

Lu sư lôch kơplah oei hơmuh hơmŏng Chăl arih lu sư huŏng hiong răm hơdai hăm lu bơngai ngôi pơyô kư̆ kă, lăm anih kơkuh kơ rup yang.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Jop 38:23

Tơmam noh Inh 'măn lê̆ bơih kơ năr rŭng răng. Ăn kơ lăm năr tơblah wang.