Jop 36:11 - Sơ̆p Hlabơar Nơ̆r 'Bok Kei-Dei

¹¹ Tơdah lu sư chu mơ̆ng păng bơ̆jang kơ Kră Yang, lei dôm năr lu sư gô arih đei tơdrong hiôk chơt, sơnăm lu sư pŭn jơnap.

Jop 36:11 Referans Kwoze

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Êsai 1:19

Tơdah lu iĕm wă păng chu yom Inh, Lei lu iĕm gô sa tơmam 'lơ̆ng hloh lăm teh âu.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’

Jop 22:23

Tơdah ih wih dơ̆ng tơ Kră Yang Tih Hloh, lei ih gô gơh đei hơmet ming dơ̆ng. Tơdah ih hŭt lê̆ tơdrong kơnê̆ ataih đơ̆ng anih bơsŭn ih.

Jop 22:21

Athei pơgơ̆p hiôk rơnŭk hăm Kră Yang 'Bok Kei-Dei. Athei arih hiôk-hian Đơ̆ng noh ih gô đei pŭn hiôk.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

Jop 42:12

Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Jop 21:11

Lu sư ăn kơ lu hơ'lơ̆p sư năm lĕch bru bra thoi khŭl triu, kon hơiĕ lu sư pơplŏng suang.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Jop 21:13

Lu bơngai pơm kơnê̆ đei chăl arih mơdrŏng hiôk. Truh tơ lôch năm tơ bơsat 'bônh đĕch.

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

II Ho 33:13

Manase krao apinh Kră Yang, Sư tơl tơwih nơ̆r Manase apinh păng mơ̆ng nơ̆r sư krao na chông tơbrŏk tơ Jêrusalem pơdrâu ăn dêh char sư kơdih; kơplah noh hloi Manase băt kơ Kră Yang 'Bok Kei-Dei sư.

Horiso 119:3

Lu sư ưh kơ pơm glăi, Mă-lei arih kiơ̆ trong Kră Yang

Tơdrông Pơđơk 1:33

Mă-lei bơngai bu mơ̆ng kiơ̆ Inh gô oei hiôk-hian. Oei hơđơ̆ng ưh kơ đei hli kơ tơdrong kiơ truh.