Jop 36:10 - Sơ̆p Hlabơar Nơ̆r 'Bok Kei-Dei

¹⁰ Kră Yang pơih ăn đon lu sư kơtơ̆ng nơ̆r bơtho hơmet. Tơtă athei lu sư weh đơ̆ng tơdrong kơnê̆.

Jop 36:10 Referans Kwoze

Mathiơ 3:8

Iĕm athei tŭk lê̆ đĭ dôm tơdrong kơnê̆, na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih.

Jop 36:15

Mă-lei Kră Yang 'Bok Kei-Dei yua tơdrong pơmat-tat na dŏng pơklaih bơngai đei pơmat-tat. Pơih đon lu sư lăm tơdrong gleh truh.

Êsai 50:5

Kră Yang Tih Hloh pơih đon inh, inh ưh pă kơchu, kư̆m ưh kơ đei kơdŭn.

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

II Pot 17:13

Mă-lei Kră Yang yua 'bơ̆r lu bơngai khan lê̆ adrol păng băt lê̆ adrol na lu sư bơtho khan kơ lu bơngai Isơrael păng lu bơngai Juđa băt: “Weh bĕ đơ̆ng trong kơnê̆ lu iĕm, athei wei răk nơ̆r Inh tơtă, păng wei răk tơdrong juăt Inh, kiơ̆ thoi dôm tơdrong juăt Inh tơtă mă Inh yua bơih 'bơ̆r lu bơngai khan lê̆ adrol bơngai đĭch đam Inh na bơtho kơ lu yă 'bok lu iĕm.”

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Jang 16:14

Lăm lu drŏ-kăn oei mơ̆ng nhôn ei đei minh 'nu anăn sư Liđa. Sư bơngai đơ̆ng Pơlei Thiatir. Sư bơngai juăt kơ mơdro tĕch che jơk păng sư lui kơkuh kơ 'Bok Kei-Dei đơ̆ng sơ̆. Na Kră Yang 'Bok Kei-Dei tơgŭm sư lui kơ nơ̆r Pôl bơtho.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Horiso 40:6

Ih ưh kơ wă ôh tơmam soi pơyơ̆r dah tơmam soi 'buh. Ih pơih đon inh boih. Ih ưh pă wă tơmam soh 'buh dah tơmam soi huai yoch.

Jop 36:21

Kơchăng bĕ, 'nĕ kơ wih tơ tơdrong yoch kơnê̆; Ih đei tơdrong pơmat-tat wă pơjuăt ih huay kơ pơm yoch.

Jôna 3:8

mă-lei kon bơngai păng kon sem dơrong athei su 'bi. Rim 'nu athei adrin đĭ jơhngơ̆m krao apinh Kră Yang 'Bok Kei-Dei. Trŏ tơpă, rim 'nu athei achăng lê̆ trong kơnê̆, dah tơdrong kiơ mă pơm kơnê̆.

Jêphania 3:7

Inh đei khan boih: ‘Ih athei hli yom kơ Inh đĕch, chu phak bơtho.’ Thoi noh anih sư oei huay kơ hiong tôch đĭ, kiơ̆ thoi Inh pơkă kơ sư. Mă-lei lu sư đơ̆ng hrôih drôih pơm pơrăm lê̆ dôm tơdrong jang sư kơdih.”