Jop 35:11 - Sơ̆p Hlabơar Nơ̆r 'Bok Kei-Dei

¹¹ Sư ăn kơ lu bơ̆n đei đon hơgei hloh kơ lu sem brem, Ăn kơ lu bơ̆n gơh hơgei hloh kơ lu sem păr.”

Jop 35:11 Referans Kwoze

Horiso 94:12

Ơ Kră Yang, pŭn dêh kơ bơngai bu mă Ih đei bơtho pơhrăm, Păng bơtho ăn khôi juăt Ih kơ sư.

Jop 36:22

Âu, Kră Yang 'Bok Kei-Dei đei tơdrong Mơsêh Mơyang Tih Hloh kơ đĭ-đăng, Hăm đei 'bok thây ayơ bơtho tơ'bôh thoi Kră Yang ưh?

Jop 32:8

Mă-lei đei Yang bơhngol 'lơ̆ng oei lăm kon bơngai, Păng hơyuh kial dui jơhngơ̆m Kră Yang Tih Hloh ăn kơ sư tơdrong hlôh gơh hơgei.

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Bl 1:26

Kră Yang 'Bok Kei-Dei khan thoi âu: “Bĕ lu bơ̆n pơjing kon bơngai hơbŏ thoi bơ̆n, nhen thoi bơ̆n, wă kơ pơgơ̆r lu ka lăm đak dơsĭ, lu sem păr, lu sem dơrong, lu hơdrông mơmŏ kơpal teh păng jơ̆p-jang kơ teh đak.”

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Jop 21:22

Bu pơ̆n bơtho Kră Yang 'Bok Kei-Dei, Kơplah Sư sek tơlang mă lu linh jang?

Horiso 94:10

Kră Yang mă phak lu dêh char boih wă ưh kơ chrih hă? Sư boih Kră Yang bơtho ăn tơdrong hơgei kơ kon bơngai.

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.