Jop 34:11 - Sơ̆p Hlabơar Nơ̆r 'Bok Kei-Dei

¹¹ Kră Yang apah kon bơngai kiơ̆ kơ tơdrong jang lu sư pơm, Pơm kơ rim 'nu bơngai kiơ̆ kơ lu sư oei arih sa.

Jop 34:11 Referans Kwoze

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.

Rom 2:6

Sư gô sek tơlang 'blep dôm tơdrong đêl bơ̆n pơm.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Je 32:19

Ih đei tơdă tih, mơsêh mơyang gơh pơm tôm tơdrong. Măt Ih lăng 'bôh đĭ-đăng kơ trong kon bơngai. Ih phak apah kơ rim 'nu kiơ̆ tơdrong arih sa sư păng kiơ̆ đêl tơdrong jang lu sư pơm.

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

Tơdrông Pơđơk 24:12

Tơdah ih khan, “'Nâu, nhôn ưh kơ băt ôh tơdrong noh” Hăm trŏ đei tơ'ngla 'bôh boih tơdrong noh? Hăm trŏ đei tơ'ngla wei-lăng bơhngol ih sư 'bôh tơdrong noh? Sư gô pơm tơwih kơ rim 'nu kiơ̆ thoi đêl sư pơm

Tơdrông Pơđơk 1:31

Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Jop 33:26

Sư krao apinh Kră Yang 'Bok Kei-Dei, na Kră Yang tơl tơwih. Sư kơkuh kơ Kră Yang hăm tơdrong chơt hiôk. Yua kơ Kră Yang huai iŏk sư.

Jop 34:25

Yua kơ Kră Yang băt tôm tơdrong jang lu sư pơm. Teh lu sư kơmăng păng lu sư pơchah đĭ hloi.

Tơdrông Pơđơk 12:14

Đei plei 'lơ̆ng đơ̆ng nơ̆r 'bơ̆r pơma, na ih đei tôm tơdrong 'lơ̆ng. Na đe ăn trŏ thoi tơdrong jang đêl sư pơm.

Êsai 59:18

Kră Yang pơm tơwih kiơ̆ kơ tơdrong jang lu sư pơm. Kră Yang hil mĭl kơ lu bơngai blah Sư, pơm 'mong kơ lu bơngai ayăt kơ Sư. Sư gô pơm tơwih kơ lu bơngai oei tơ bŏl đak dơsĭ.

I Sam 26:23

Kră Yang gô apah ăn kơ rim 'nu, kiơ̆ thoi tơdrong 'lơ̆ng tơpăt đơ̆ng sư pơm. Năr 'nâu Sư pơjao ih lăm tơpang ti inh, mă-lei inh ưh kơ wă pơm kơ yŏng tơ'ngla inh mă đơ̆ng Kră Yang tuh ăn đak rơmă.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.