Jop 31:23 - Sơ̆p Hlabơar Nơ̆r 'Bok Kei-Dei

²³ Yua kơ inh hli kơ tơdrong răm truh đơ̆ng Kră Yang 'Bok Kei-Dei, Inh hli krưp kơ tơdrong rang mơnhal Sư na inh ưh kơ layơ pơm tơdrong noh.

Jop 31:23 Referans Kwoze

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Jop 13:11

Lu iĕm ưh kơ hli tơdrong mơsêh krưp Sư hă? Tơdrong mơsêh krưp đơ̆ng Sư ưh kơ wă pơm kơ lu iĕm hli hă?

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Jop 21:20

Ăn kơ măt lu sư 'bôh tơdrong pơrăm truh tơ lu sư, Ăn kơ lu sư đei huch tơdrong hil mĭl Kră Yang Tih Hloh.

Jop 20:23

Layơ sư phĭ 'bĕnh klak bơih, Kră Yang 'Bok Kei-Dei gô tuh tơdrong hil mĭl Sư thoi đak 'mi. Pơm tơmam sa sư

Bl 39:9

Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

Ne 5:15

Mă-lei lu kră wei-lăng adrol kơ inh pơgŏ kon pơlei tơgŭm tơmam sa păng sik, 'nguaih kơ puăn-jĭt sêikơl jên hu; lu bơngai đĭch đam kiơ̆ wei-lăng sư kư̆m wang chă apinh đơ̆ng kon pơlei đơ̆ng, mă-lei gah inh ưh kơ pơm thoi noh ôh; yua kơ hli yom kơ Kră Yang 'Bok Kei-Dei.

Jop 30:15

Lu tơdrong hli krưp năm pơm kơ inh, Đe tơhiong lê̆ tơdrong ư-ang đe pơyom kơ inh tơthu pơđông lê̆ tơ ataih. Tơdrong hiôk hơđơ̆ng inh păr đông thoi hơmơ̆l.

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Horiso 88:15

Inh pơmat-tat wă lôch iŏk đơ̆ng oei 'lơ̆p. Inh hli krưp păng tơrơ dêh.