Jop 3:10 - Sơ̆p Hlabơar Nơ̆r 'Bok Kei-Dei

¹⁰ Yua kơ măng noh ưh kơtang lê̆ măng tơpu kon mĕ inh na anăp kơ inh. Kŭm ưh kơ đei ôn lê̆ tơdrong pơmat-tat đơ̆ng măt inh.

Jop 3:10 Referans Kwoze

Je 20:17

Liơ mă inh ưh kơ lôch kơplah inh oei lăm klak mĕ inh sơ̆; Tơpu kon lăm mĕ inh jah jing pơm bơsat inh, Jah đei anăp kơ inh hlŏng hloi.

Bôk Bơthô 11:10

Thoi noh, puh tơweh bĕ dôm tơdrong sơ'ngon đơ̆ng lăm jơhngơ̆m păng hiơt bĕ lu tơdrong chhŭr nuih jĭ jăn lăm akâu, yua kơ chăl hơmuh hơmŏng păr hiong kiơ̆ kơ khei 'năr ưh kơ đei yua kiơ.

Jop 23:2

Mă truh năr 'nâu, tơdrong hơdrĭ inh oei đei ơh sơ'ngon, Ti kơtĭt kơpal inh oei trăp mă khan inh krao ôr.

Jop 10:1

Inh hăl dêh kơ tơdrong arih inh; Na inh gô tơtok ưh kơ hli; Inh gô roi pơma kơ tơdrong, jơhngơ̆m inh chhŭr nuih.

I Sam 1:5

Na sư asong ăn kơ Hana 'bar yua kơ sư hưch dêh kơ Hana, mă-lei Kră Yang ăn kơ sư hơwŏng.

Bl 29:31

Kră Yang 'bôh Jakôp ưh kơ 'mêm kơ Lêa, ăn kơ sư đei pơjing hơ'lơ̆p, gah Rachel hơwŏng hơwŏ.

Bl 20:18

Adrol kơ noh ki, yua kơ tơdrong Sara, akăn Abraham, Kră Yang pơm ăn kơ hnam dơnŏ Abimêlek tă kơ hơwŏng ngăl.

Jop 3:9

Rŏ kơ sơnglŏng wŏng-tar jing măng mu; rŏ kơ sư chang gô hơdah, mă-lei ưh kơ 'bôh 'brưch hơdah, kư̆m ưh kơ đei 'bôh hơdah lĕch.

Jop 3:11

“Liơ inh ưh kơ lôch hloi lăm năr 'nao jruh. Ưh kơtĕch jơhngơ̆m hloi lăp hlôi đơ̆ng mĕ inh.