Jop 29:3 - Sơ̆p Hlabơar Nơ̆r 'Bok Kei-Dei

³ Lăm kơplah ŭnh kơđeng Kră Yang oei pơchrang hơdah kơpal kơ̆l inh. Đơ̆ng tơdrong hơdah Kră Yang na inh năm hlôi kơ măng mu.

Jop 29:3 Referans Kwoze

Horiso 18:28

Kră Yang tơ̆k ŭnh kơđeng inh khơ̆ng: Kră Yang 'Bok Kei-Dei inh, Pơchrang ăn lăm anih măng mu inh.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Jop 18:6

Hơdah lăm bơsŭn sư gô măng mu, ŭnh kơđeng 'bơ̆t kơ̆l sư đe gô tơpăt.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Jop 22:28

Tơdrong kiơ ih wă pơm sĭt gô jing; Tơdrong hơdah gô pơchrang lu trong ih.

Jop 11:17

Chăl arih ih gô hơdah hơdong hloh kơ 'năr dơ̆ng; măng mu gô hơdah thoi pơgê.

Tơdrông Pơđơk 24:20

Yua kơ bơngai pơm kơnê̆ ưh kơ lê̆ đunh ôh, Ŭnh kơđeng hu sư gô păt.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Tơdrông Pơđơk 13:9

Ŭnh kơđeng lu bơngai tơpăt pơchrang hơdah; Gah ŭnh kơđeng lu bơngai kơnê̆ păt đĭ.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 23:4

Mă inh năm lăm thŭng yơ̆p tơdrong lôch, inh ưh kơ hli kơ răm, yua kơ Kră Yang oei hăm inh; 'long băl hăm 'long jra Ih pơlung inh.

Tơdrông Pơđơk 20:20

Lu bơngai hiap mĕ 'bă, Ŭnh kơđeng sư gô păt hơngăm lăm măng mu.

Horiso 4:6

Đei lơ bơngai apinh: “Bu gơh tơ'bôh ăn kơ bơ̆n tơdrong pŭn hiôk” Ơ Kră Yang, pơchrang bĕ tơdrong hơdah đơ̆ng muh măt Ih, tơ lu nhôn.

Jop 21:17

Hơdôm wơ̆t ŭnh kơđeng bơngai pơm kơnê̆ păt? Hơdôm wơ̆t tơdrong pơmat truh tuh tơ lu sư, Kră Yang 'Bok Kei-Dei hil phak lu sư?

Horiso 18:29

Đơ̆ng Ih tơgŭm inh gô kĕ đơ̆ng lu tơpôl linh ayăt. Gơnang kơ Kră Yang 'Bok Kei-Dei inh, đei pơplŏng hlôi kơ dur.

Horiso 112:4

Hơdah pơchrang tơ anih măng mu, kơ bơngai tơpăt. Bơngai 'lơ̆ng băt mơnat, đei jơhngơ̆m 'mêm mơnat păng 'lơ̆ng tơpăt.