Jop 28:12 - Sơ̆p Hlabơar Nơ̆r 'Bok Kei-Dei

¹² Mă-lei chă tơdrong gơh hơgei đei đơ̆ng yơ? Tơ yơ tơm tơdrong hlôh wao?

Jop 28:12 Referans Kwoze

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Jop 28:20

Lei tơdrong gơh hơgei lĕch đơ̆ng yơ? Tơm 'bơ̆r đon hlôh wao đơ̆ng yơ?

Tơdrông Pơđơk 3:19

Hăm tơdrong gơh hơgei Kră Yang pơjing teh đak; Hăm tơdrong băt hlôh Sư săp lu tăl plĕnh.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

Jop 28:11

Kon bơngai bơ̆ bơnơ̆ găn đak krong wă huay kơ ro; Wă kơ 'bôh lĕch tơ hơdah dôm tơmam kiơ mă ôn hlơp.

Jop 28:23

Lăp minh Kră Yang 'Bok Kei-Dei hlôh băt trong truh tơ gơh hơgei. Păng minh Sư đĕch băt kơ chă anih sư tơ yơ.

Bôk Bơthô 7:11

Tơdrong hơgei gĭt kăl nhen thoi bơngai đei tơmam chŭn mir ioi đơ̆ng adrĕch sư, păng chĕp ba tơdrong đei yua đunh sơnăm kơ lơ bơngai lăm chăl arih.