Jop 27:22 - Sơ̆p Hlabơar Nơ̆r 'Bok Kei-Dei

²² Huơ̆r pơdăr lu sư, ưh pă đei mơnat kơ lu sư; Lu sư adrin kơdâu ôn đơ̆ng kial tih.

Jop 27:22 Referans Kwoze

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Am 2:14

Lu bơngai kơdâu kuăng ưh kơ gơh kơdâu klĕnh ôh, lu bơngai pran kơtang kư̆m gô pă kĕ mơ̆n păng lu bơngai nuih kư̆m ưh pă gơh pơklaih akâu sư kơdih.

Êsêkiên 24:14

Inh bơih Kră Yang, đei khan dôm tơdrong noh gô truh, Inh gô pơm. Inh ưh kơ gơ̆t lê̆ ti, ưh kơ hmach, ưh kơ tơplih. Inh gô sek kiơ̆ kơ trong ih năm păng kiơ̆ kơ tơdrong jang ih, Kră Yang khan thoi noh.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Jop 20:24

Mă sư kơdâu hlôi kơ tơmam tơblah pơm păng mam, 'Brơ̆m păng kong gô 'bet klĕch akâu sư.

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Both 32:23

Inh gô tơpŭ ăn tơdrong răm pơmat-tat tơ kơpal lu sư. Iŏk hră Inh prah lu sư, dĭng đĭ 'brơ̆m.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Jop 10:7

Mă khan Ih băt kơ inh ưh kơ yoch ră, ưh kơ đei bu gơh dŏng pơklaih inh đơ̆ng ti Ih.

Jôna 1:10

Lu bơngai lăm duk đĭ-đăng lu sư hli păng khan kơ Jôna thoi âu: Liơ ih pơm thoi noh? Lu đe noh băt boih kơ sư bơngai kơdâu klĕnh đơ̆ng Kră Yang; kơtơ̆ng đơ̆ng sư roi.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.