Jop 27:17 - Sơ̆p Hlabơar Nơ̆r 'Bok Kei-Dei

¹⁷ Hơbĕn ao lu sư chơ̆p hơdrom, mă-lei lu bơngai tơpăt sư gô hrŭk Jên hu lu sư, bơngai 'lơ̆ng tơpăt gô asong băl.

Jop 27:17 Referans Kwoze

Tơdrông Pơđơk 13:22

Bơngai 'lơ̆ng mong tơmam ăn kơ lu kon sâu sư. Mă-lei bơngai kơnê̆ lê̆ tơmam sư kơ lu bơngai tơpăt.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Tơdrông Pơđơk 28:8

Bơngai bu pơm kơ mơdrŏng rai tŏk iŏk đơ̆ng sa kiĕng lơ. Jên kăk răt pơpôi ăn kơ bơngai băt mơnat kơ lu dơnuh hin.

Jop 3:15

Hơdai hăm lu yŏng pơgơ̆r đei hu maih tah mong 'bĕnh kơ hnam lu sư.

Jop 15:29

Sư ưh kơ gơh oei mơdrŏng; mŭk tơmam sư kư̆m gô ưh kơ jơnap đunh, păng mŭk drăm phe 'ba sư kư̆m ưh kơ lanh rai să lăm teh đak.

Jop 20:10

Kon sâu sư gô apinh đơ̆ng bơngai dơnuh, ti lu sư athei pơdrâu 'mong tơmam mă đêl 'bă sư iŏk bơih.

Jop 20:18

Sư athei pơdrâu tơwih đĭ dôm mŭk lơi đơ̆ng tơdrong jang sư. Sư ưh kơ đei gơh yua iŏk mŭk tơmam mơdrŏng đơ̆ng sư mơdro sa.

Jop 27:16

Mă lu bơngai pơm kơnê̆ mong jên hu nhen thoi pơlao chuơh, Hơdrom hơbĕn ao hơlôk thoi pôi teh lơ̆n.

Jêphania 1:11

Ơ lu kon pơlei mă oei lăm pơlei tih gah ala sŭng, nhơ̆m hmoi bĕ; yua kơ lu bơngai mơdro mơchan pơrăm đĭ boih păng lu bơngai mă chĕp jên hu lôch đĭ boih.

Esther 8:1

Lăm năr noh pơtao Asêrus jao ăn kơ yă pơtao Esther bri seh teh choh mŭk tơmam hnam oei Haman bơngai mă ayăt kơ adrĕch bơngai Juđa păng Morđêkai năm 'bơ̆t anăp pơtao, yua kơ Esther roi kơ sư noh 'nhŏng oh sư kơdih.