Jop 24:4 - Sơ̆p Hlabơar Nơ̆r 'Bok Kei-Dei

⁴ Lu sư pơpuh lu bơngai dơnuh hin weh đơ̆ng trong tih. Lu bơngai pơmat-tat lăm teh đak chă ôn kơ'nơp.

Jop 24:4 Referans Kwoze

Tơdrông Pơđơk 28:28

Layơ tơdah lu bơngai kơnê̆ iung pơgơ̆r, đe kơdâu ôn đĭ, Mă-lei dah lu sư lôch, lu bơngai tơpăt jing rai lơ.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Jop 24:14

'Nao 'brưch bơngai pơlôch đe iung, pơlôch lu bơngai dơnuh hin păng hoh răm; Tơ kơmăng lu sư thoi lĕ bơngai tơtông.

Êsêkiên 22:29

Kon pơlei oei lăm teh đak pơjuă sa băl, tơtông tơgar iŏk, pơjuă pơđep lu bơngai dơnuh hin pơmat-tat, păng pơjuă pơđep lu bơngai tơmoi ưh pă ăn kơ lu sư đei tơdrong tơpăt.

Êsêkiên 18:18

Mă-lei 'bă sư pơm yoch pơjuă đe, tơtông tơmam lu 'nhŏng oh sư, pơm ưh kơ 'lơ̆ng lăm pơlei sư, sư gô lôch yua kơ tơdrong yoch kơnê̆ mă sư đei pơm.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Êsai 10:2

Hơngah kơ pơm tơdrong tơpăt lu bơngai hoh kơ đei păng ưh kơ pơm tơdrong trŏ kơ lu bơngai dơnuh hin lăm kon pơlei pơla Inh. Tơgar iŏk tơmam đơ̆ng lu drŏ-kăn adro, hơđuh iŏk tơmam đơ̆ng lu kon mơti.

Tơdrông Pơđơk 30:14

Đei khŭl bơngai hơnĕnh sư thoi đao gưm. Hơnĕnh tơ'ngam sư thoi săng, Wă luăn sa lu bơngai dơnuh hoh đơ̆ng teh, păng đơ̆ng lăm adrĕch kon bơngai.

Tơdrông Pơđơk 28:12

Tơdah bơngai tơpăt jei jơnei, đei hiôk chơt tih; Mă-lei đei bơngai pơm kơnê̆ iung lei đei bơngai kơdâu ôn.

Tơdrông Pơđơk 22:16

Bu pơđep bơngai dơnuh wă pơm kơ sư mơdrŏng, Bơngai bu ăn pơgâm kơ lu bơngai mơdrŏng noh rai pơm kơ bre sư dơnuh hloh.

Horiso 109:16

Yua kơ lu sư pă đei 'blŏk mơnat kơ đe. Na rôp pơmat lu bơngai dơnuh răm. Lu bơngai pơmat-tat đei jơhngơ̆m ơh kư̆m wă pơlôch mơ̆n.

Horiso 41:1

Pŭn dêh bơngai bu mă 'blŏk tơtăm bơngai rơdu tơrăn! Lăm năr anat anot Kră Yang gô tơgŭm dŏng sư.

Jop 31:16

Tơdah inh sơngah ưh kơ ăn ôh tơmam kơ bơngai dơnuh dơnan hơpơi wă, Tơdah inh lê̆ bơngai adro chang gô dĭng pă hơmĕng.

Jop 30:25

Inh ưh kơ đei nhơ̆m kơ bơngai tơ'bơ̆p tơdrong pơmat-tat hă? Jơhngơ̆m inh ưh kơ đei sơ'ngon kơ bơngai răm-'băm hă?

Jop 29:12

'Noh yua kơ inh dŏng pơklaih bơngai dơnuh pơmat-tat krao ôr, Păng bơngai mơti ưh kơ đei bơngai bu tơgŭm.

Jop 29:16

Inh pơm 'bă kơ lu bơngai pơmat-tat, Inh lăng hơlen sek dŏng lu bơngai inh tam lah băt.

Jop 31:19

Tơdah inh 'bôh bơngai wă jê̆ lôch yua ưh kơ đei hơbĕn ao, Dah bơngai dơnuh kơ'bah ưh kơ đei khăn su,

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!