Jop 24:24 - Sơ̆p Hlabơar Nơ̆r 'Bok Kei-Dei

²⁴ Lu sư arih đei đe pơyom lăp minh bruh đĕch. Lu sư lôch hiong dong. Lu sư gô jô kro ruh hơlŭng thoi 'nhĕt Thoi hơie 'ba đe yuă lê̆ đơ̆ng tơm.

Jop 24:24 Referans Kwoze

Horiso 37:10

Pă 'biơ̆ kơnh lu bơngai kơnê̆ ưh pă đei. Mă Ih chă lăng tơ anih sư, kư̆m pă đei 'bôh dơ̆ng.

Ya 1:11

Pơkao 'long bri brah, mưh truh kơ 'năr tŏ dêh, hla sư jing jô, pơkao sư hơlŭng hơliĕng, lăng sư ưh pă 'lơ̆ng rŏ thoi 'năr rơngơp boih. Bơngai mơdrŏng kư̆m lei-lăi, sư hăt dêh kơ chă mŭk tơmam wă kơ mơdrŏng, mă sư gô lôch hiong hloi.

Horiso 92:7

Mă khan lu bơngai pơm kơnê̆ chăt hrôh thoi 'nhĕt, Lu bơngai pơm kơnê̆ iung mơdrŏng, noh 'măn lê̆ kơ lu sư wă hiong răm ling-lang hlŏng hloi.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Jop 14:21

Dah lu kon tơdăm sư đe pơyom, sư kư̆m ưh kơ băt; Dah đe pơjăm lu sư, sư kư̆m ưh kơ 'bôh.

Jop 8:22

Lu bơngai areh kơ ih gô kơdơ̆ mơlâu. Bơsŭn lu bơngai pơm kơnê̆ gô răm đĭ.”

Jop 21:33

Anih teh bơsat lăm thŭng pơm kơ sư hơbôn hiôk. Rim bơngai tơdui băl kiơ̆ năm 'bŭ sư. Bơngai năm adrol năm đơ̆ng rŏng lơlap lơlang.

Jop 21:13

Lu bơngai pơm kơnê̆ đei chăl arih mơdrŏng hiôk. Truh tơ lôch năm tơ bơsat 'bônh đĕch.