Jop 23:8 - Sơ̆p Hlabơar Nơ̆r 'Bok Kei-Dei

⁸ 'Nâu, inh năm tơ anăp, ưh kơ đei Kră Yang tơ noh; Inh kơdŭn tơ rŏng, mă-lei inh lăng kư̆m ưh kơ 'bôh Sư.

Jop 23:8 Referans Kwoze

Jop 9:11

Dah Sư năm rok cheng inh, inh ưh kơ 'bôh Sư, dah Sư yak brih inh kư̆m ưh kơ kơnăl.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Horiso 10:1

Ơ Kră Yang, yua kơ kiơ Ih dơ̆ng ataih, Kơplah đei tơdrong pơmat-tat liơ Ih ôn akâu?

Jop 35:14

Pơma kiơ kơ ih, liơ mă 'bôh Kră Yang 'Bok Kei-Dei gơh mơ̆ng ih. Mưh ih khan ih ưh kơ 'bôh Kră Yang. Tơdrong ih kêng truh 'bơ̆t anăp Kră Yang bơih, păng ih oei răp gô Kră Yang sek tơlang!

Êsai 45:15

Sĭt tơpă Ih Kră Yang 'Bok Kei-Dei ôn akâu Ih, Ơ Kră Yang 'Bok Kei-Dei Ih, jơ̆ Kră Yang dŏng pơklaih đe Isơrael.

Jop 23:9

Kơplah Kră Yang jang tơ gah yă-nơ̆m, inh ưh kơ 'bôh Sư; Sư weh tơ gah gơal, inh chă lăng kư̆m ưh kơ 'bôh sư.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Horiso 139:5

Ih wei inh gah rŏng gah anăp. Dan ti Ih kơpal inh.