Jop 23:11 - Sơ̆p Hlabơar Nơ̆r 'Bok Kei-Dei

¹¹ Jơ̆ng inh kiơ̆ jê̆ yak Sư Inh bơwei yak kiơ̆ trong sư, ưh kơ weh-woh.

Jop 23:11 Referans Kwoze

Horiso 44:18

Jơhngơ̆m lu nhôn ưh kơdŭn, jơ̆ng lu nhôn yak ưh kơ đei cheng oei kiơ̆ trong Ih.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 17:5

Inh yak năm kơjăp lăm trong Ih, Jơ̆ng inh ưh kơ tơpling.

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Horiso 36:3

Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

Jop 6:10

Tơdrong lôch noh jing tơdrong pơlung inh; păng inh gô pơplŏng chơt hiôk lăm tơdrong jĭ jăn dêh. Yua kơ inh ưh kơ đei sơngah dôm nơ̆r Kră Yang Tơ'ngla 'Lơ̆ng Rơgoh pơma.”

Jop 31:7

Tơdah jơ̆ng inh yak weh đơ̆ng trong 'lơ̆ng tơpăt, Tơdah jơhngơ̆m inh năm kiơ̆ măt inh lăng, Tơdah đei mơgrĭ klep lăm ti inh,

Horiso 119:51

Lu bơngai pơang, blei hiap inh lơ dêh. Mă-lei inh ưh kơ achăng lê̆ khôi juăt Ih.

Jop 10:7

Mă khan Ih băt kơ inh ưh kơ yoch ră, ưh kơ đei bu gơh dŏng pơklaih inh đơ̆ng ti Ih.

Horiso 44:19

Mă Kră Yang pơrăm nhôn lăm anih lu kŏ bri. Klơ̆p lê̆ lu nhôn hăm măng mu.

Tơdrông Pơđơk 4:5

Iŏk bĕ tơdrong gơh hơgei, chă bĕ tơdrong hlôh wao, 'Nĕ kơ hiơt, 'nĕ kơ hŭt lê̆ dôm nơ̆r đơ̆ng 'bơ̆r inh pơma;