Jop 22:9 - Sơ̆p Hlabơar Nơ̆r 'Bok Kei-Dei

⁹ Ih pơpuh bơngai adro brŏk tơpang ti hoh. Lu bơngai mơti ih pơjuă lê̆ anih sư gơnang.

Jop 22:9 Referans Kwoze

Jop 24:21

Lu sư plah tơgar iŏk tơmam drŏ-kăn hơwŏng, Pơm kơnê̆ kơ lu yă adro po.

Jop 24:3

Tơgar iŏk aseh iĕ lu bơngai mơti 'bă, Rôp pơkơ̆ng iŏk rơmo lu yă adro po.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Êsai 10:2

Hơngah kơ pơm tơdrong tơpăt lu bơngai hoh kơ đei păng ưh kơ pơm tơdrong trŏ kơ lu bơngai dơnuh hin lăm kon pơlei pơla Inh. Tơgar iŏk tơmam đơ̆ng lu drŏ-kăn adro, hơđuh iŏk tơmam đơ̆ng lu kon mơti.

Jop 31:21

Tơdah inh đei yơ̆r ti hơ-ô wă pơm kơ lu bơngai mơti, yua kơ inh băt bơngai dŏng inh tơ 'măng jang,

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Êsêkiên 30:22

Na Kră Yang khan thoi âu: Âu, Inh blah Pharaôn pơtao Êyiptơ gô gơ̆ lê̆ 'bar pah ti sư, đao đơ̆ng ti sư gô huŏng tơ teh.

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Horiso 94:6

Lu sư pơlôch bơngai drŏ-kăn adro; Lu bơngai tơmoi. Păng kư̆m pơlôch lu bơngai mơti.

Horiso 37:17

Yua kơ kơkŏng ti lu bơngai kơnê̆ gô tơgơ̆, Mă-lei Kră Yang gô tưk pơkơ̆ng ti lu bơngai tơpăt.

Horiso 10:15

Gơ̆ bĕ kơkŏng ti lu bơngai kơnê̆, păng pơrăm tơdrong kơnê̆ lu bơngai yoch, dĭng pă 'bôh 'bơ̆t anăp Ih.

Both 27:19

Hiap pơtê̆ bĕ kơ bơngai bu sek ưh kơ tơpăt kơ lu bơngai tơmoi, lu bơngai mơti păng lu yă adro! Đĭ-đăng kon pơlei gô khan: A-men!

Jop 6:27

Lu iĕm hăm đei hlang lăng tơgar băl iŏk kon mơti, dah tơplih buăl iĕm iŏk tơmam?”

Je 48:25

Kră Yang khan: “Hơke Môap chơ̆ng lê̆ boih, kơkŏng ti sư tơgơ̆ boih.

Mathiơ 23:14

Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh yua kơ iĕm bơngai 'bơ̆r đak klak ŭnh. Iĕm chă pơgŏ iŏk tơmam lu drŏ-kăn adro păng pơm pơrŏ akâu krao khan kơ 'Bok Kei-Dei đunh wă kơ đe jô̆ iĕm khan bơngai 'lơ̆ng. Iĕm pơm thoi noh, ning-mônh 'Bok Kei-Dei phak iĕm hloh kơ lu bơngai nai.