Jop 22:29 - Sơ̆p Hlabơar Nơ̆r 'Bok Kei-Dei

²⁹ Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Jop 22:29 Referans Kwoze

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

Mathiơ 23:12

Bơngai bu pơma pơang akâu sư wă kơ đe pôk sư pơm tih, bơngai noh ning-mônh sư gô mơlâu hloh kơ đe. Bơngai bu ưh kơ hơnhŏ chă pơang akâu sư kơ đe, bơngai noh 'Bok Kei-Dei mơnat, ăn kơ sư pơm tih.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Horiso 138:6

Mă khan, Kră Yang tih-tin. Kŭm oei lăng ba lu bơngai răm-'băm. Gah lu bơngai pơang, Sư băt lê̆ đơ̆ng adrol boih.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Jop 5:11

Sư tơiung lu bơngai răm-'băm. Ăn kơ lu bơngai nhơ̆m hmoi oei tơ anih hơđơ̆ng.

Jop 36:7

Sư bơwei bơngai 'lơ̆ng tơpăt. Ăn kơ lu sư hơ-oei 'bơ̆t tang-dŏ pơgơ̆r thoi lu pơtao Ăn kơ lu sư đei đe pơyom ling-lang.