Jop 22:27 - Sơ̆p Hlabơar Nơ̆r 'Bok Kei-Dei

²⁷ Ih gô krao apinh Sư, Sư gô mơ̆ng nơ̆r ih, Păng ih gô pơkeh tơdrong ih pơkă.

Jop 22:27 Referans Kwoze

Êsai 58:9

Kơplah noh ih krao apinh Kră Yang gô tơl tơwih; ih krao Sư dŏng tơgŭm Sư khan: Đei Inh tơ âu! “Dah ih hŭt lê̆ tơdrong pơjuă pơđep păng ưh kơ đei dơhlâu ti pơma kư̆ kă.

Horiso 116:1

Inh 'mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Bôk Bơthô 5:4

Tơdah ih đei pơma pơkă hăm Kră Yang 'Bok Kei-Dei athei jah pơm pơkeh nơ̆r pơkă noh; yua kơ lu bơngai kơtul ưh kơ đei pơm kơ Kră Yang lăp đon. Lei jah pơkeh nơ̆r ih pơkă noh.

Jop 34:28

Pơm kơ nơ̆r lu bơngai dơnuh hin ôr krao kơtơ̆ng truh tơ Kră Yang. Păng Kră Yang kơtơ̆ng nơ̆r bơngai pơmat-tat ôr krao.

Jop 33:26

Sư krao apinh Kră Yang 'Bok Kei-Dei, na Kră Yang tơl tơwih. Sư kơkuh kơ Kră Yang hăm tơdrong chơt hiôk. Yua kơ Kră Yang huai iŏk sư.

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Horiso 116:14

Inh gô pơkeh ăn đĭ kơ Kră Yang dôm tơdrong đêl nơ̆r inh pơkă. 'Bơ̆t anăp đĭ-đăng kon pơlei Sư

Horiso 56:12

Ơ Kră Yang 'Bok Kei-Dei, tơdrong inh pơkă hăm Ih,g inh gô pơsĭt. Inh gô pơyơ̆r tơmam soi bơnê kơ Ih.

Both 23:21

Mưh lu iĕm pơkă pơkăm hăm Kră Yang 'Bok Kei-Dei iĕm, 'nĕ kơ pơhiơ̆ gô đunh, athei pơm pơkeh hloi, yua kơ Kră Yang 'Bok Kei-Dei lu iĕm athei iĕm pơm pơkeh tơdrong iĕm pơkă pơkăm ei; dah iĕm ưh kơ pơm pơkeh hloi, lei iĕm gô pŭ tơdrong yoch.

Jop 8:6

Tơdah ih rơgoh păng 'lơ̆ng tơpăt, sĭt tơpă Sư gô dŏng pơklaih ih, păng Sư gô tơiung dơ̆ng hnam dơnŏ, păng mŭk tơmam ih, wă apah kơ tơdrong ih tơpăt.

Jop 11:13

Na, dah ih hơmet jơhngơ̆m chă Kră Yang. Păng yơ̆r ti ih gah Sư;

Jop 27:10

Lu sư hăm đei chơchă tơdrong hiôk chơt lăm Kră Yang Tih Hloh, Hăm đei krao apinh Kră Yang 'Bok Kei-Dei ling-lang ưh?

Horiso 61:5

Ơ Kră Yang 'Bok Kei-Dei, Ih kơtơ̆ng boih nơ̆r inh pơkă. Ih Jao ăn boih kơ inh mŭk tơmam lu bơngai mă chu yom kơ anăn Ih.

II Pot 13:4

Jêhôahas krao apinh Kră Yang na Kră Yang mơ̆ng nơ̆r sư; yua kơ Kră Yang 'bôh pơtao đe Aram pơgŏ pơđep kon Pơlei Isơrael dêh.

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

II Ho 33:13

Manase krao apinh Kră Yang, Sư tơl tơwih nơ̆r Manase apinh păng mơ̆ng nơ̆r sư krao na chông tơbrŏk tơ Jêrusalem pơdrâu ăn dêh char sư kơdih; kơplah noh hloi Manase băt kơ Kră Yang 'Bok Kei-Dei sư.

Je 29:12

Kơplah lu iĕm năm krao chă Inh, krao apinh Inh, Inh gô tơl tơwih.