Jop 21:7 - Sơ̆p Hlabơar Nơ̆r 'Bok Kei-Dei

⁷ Liơ lu bơngai kơnê̆ oei arih, Rai arih sot păng rai kĕ pran?

Jop 21:7 Referans Kwoze

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Horiso 37:35

Inh 'bôh boih lu bơngai kơnê̆ đei pran kơtang, Tih kơjung thoi 'long hơngo, chăt tơ char Liban.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Horiso 17:10

Lu sư chĭt lê̆ jơhngơ̆m mơnat sư;c 'Bơ̆r lu sư pơma pơang.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Jop 9:24

Kơplah teh đak jao bơih kơ lu bơngai pơm kơnê̆ pơgơ̆r. Sư chĭt lê̆ măt lu 'bok sek tơlang lăm teh đak. Tơdah ưh kơ trŏ Sư pơm lei bu pơm?

Jop 12:19

Sư chông ba lu 'bok soi tơ nai, blơ̆ lê̆ lu bơngai pơm 'bok soi pơgơ̆r đunh.

Bôk Bơthô 8:14

Oei đei minh tơdrong lăm ala teh âu kư̆m tơdrong kơđei. Lơ bơngai pơm 'lơ̆ng tă kơ đe pơm kơnê̆ kơ sư nhen thoi lu bơngai pơm kơnê̆ păng đei lơ bơngai pơm kơnê̆ tă huay pơm kơnê̆ kơ sư thoi lu bơngai pơm 'lơ̆ng. Inh khan tơdrong noh kư̆m tơdrong kơđei.

Bôk Bơthô 7:15

Đĭ lăm chăl arih tơdrong ưh kơđei, inh hlôi 'bôh băt boih kơ đĭ-đăng tơdrong 'nâu. Đei bơngai pơm 'lơ̆ng tơpăt tă kơ lôch 'bônh; bơngai pơm kơnê̆, tă kơ lê̆ arih sot.