Jop 21:5 - Sơ̆p Hlabơar Nơ̆r 'Bok Kei-Dei

⁵ Lăng bĕ tơ inh, Na iĕm 'bôh hlĭch; iŏk tơpang ti đơ̆p 'bơ̆r.

Jop 21:5 Referans Kwoze

Jop 40:4

Inh bơngai ưh kơ yua kiơ liơ inh gơh tơl Kră Yang? Inh iŏk ti đơ̆p 'bơ̆r ưh kơ pơ̆n pơma.

Jop 29:9

Lu bơngai kră pơgơ̆r pă đei pơma, lu sư kơđôp 'bơ̆r hăm tơpang ti;

Lu 18:19

Lu sư khan: Thĕng bĕ 'nĕ kơ pơma, iŏk ti đơ̆p 'bơ̆r ih păng năm hăm lu nhôn, pơm 'bă pơm 'bok soi lu bơ̆n, ih pơm 'bok soi ăn kơ minh pơm hnam dơnŏ dah pơm 'bok soi ăn kơ minh adrĕch adrung lu bơngai Isơrael, ayơ mă 'lơ̆ng hloh?

Tơdrông Pơđơk 30:32

Tơdah ih pơm kơnê̆ bơlŭk na pơang kơdih, Tơdah ih tơchĕng wă pơm kơnê̆, Iŏk tơpang ti chĭt bĕ 'bơ̆r ih.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Mi 7:16

Lu kon bơngai lăm teh đak 'bôh tơdrong noh, gô mơlâu kơ tơdrong pran kơtang lu sư; lu sư gô oei hreh ưh kơ pơ̆n pơma păng đon lu sư jing klĭk.

Am 5:13

Yua kơ lăm chăl kơnê̆ dêh yua kơ thoi noh lu bơngai hơgei gô mơ̆ng đĕch; lăm chăl thoi âu.

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Jop 17:8

Lu bơngai tơpăt lăng inh hlĭch kơ đon, na bơngai ưh kơ yoch iung blĕk kơ bơngai kơnê̆.

Jop 2:12

Đơ̆ng ataih, lu sư lăng 'bôh Jop, mă-lei lu sư ưh kơ kơnăl ôh. Lăp lu sư kơnăl kơ Jop bơih na nhơ̆m ôr, hek ao lu sư kơdih, chup 'mui teh săi tơ kơpal păng săi tơ kơ̆l kơdih.

Jop 13:5

Lei na iĕm ngăn ĕnh kơ pơma! Wă tơ'bôh kơ đe iĕm hơgei.

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.