Jop 21:33 - Sơ̆p Hlabơar Nơ̆r 'Bok Kei-Dei

³³ Anih teh bơsat lăm thŭng pơm kơ sư hơbôn hiôk. Rim bơngai tơdui băl kiơ̆ năm 'bŭ sư. Bơngai năm adrol năm đơ̆ng rŏng lơlap lơlang.

Jop 21:33 Referans Kwoze

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Bôk Bơthô 8:8

Ưh kơ đei bu gơh chĕp pơgơ̆r tơdrong arih; kư̆m ưh kơ đei bu gơh weh kơ lôch; lăm tơdrong tơblah tơdrong lôch ưh kơ đei lê̆ bu; bu pơm kơnê̆, tơdrong kơnê̆ kư̆m ưh kơ gơh dŏng pơklaih sư đơ̆ng tơdrong lôch ôh.

Bôk Bơthô 1:4

Đơ̆ng chăl 'nâu, truh tơ chăl nai, mă-lei teh 'nâu oei oei khŏm khŏm đĕch.

Jop 24:24

Lu sư arih đei đe pơyom lăp minh bruh đĕch. Lu sư lôch hiong dong. Lu sư gô jô kro ruh hơlŭng thoi 'nhĕt Thoi hơie 'ba đe yuă lê̆ đơ̆ng tơm.

Jop 17:16

Tơdrong chang hơmĕng hăm kiơ̆ inh.a Lu nhôn gô pơdơh hiôk lăm 'mui teh ưh?

Jop 3:22

Lu sư chơt hiôk 'nă hal. Hiôk-hian truh tơ đe 'bŭ lăm bơsat,

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Jop 21:32

Dah đe năm 'bŭ bơngai pơm kơnê̆ truh tơ bơsat, Bơsat sư đei bơngai gak.