Jop 21:17 - Sơ̆p Hlabơar Nơ̆r 'Bok Kei-Dei

¹⁷ Hơdôm wơ̆t ŭnh kơđeng bơngai pơm kơnê̆ păt? Hơdôm wơ̆t tơdrong pơmat truh tuh tơ lu sư, Kră Yang 'Bok Kei-Dei hil phak lu sư?

Jop 21:17 Referans Kwoze

Luka 12:46

na yŏng sư gô wih kơplah sư ưh kơ kơchăng, tabơla haih pă tam boih. Na yŏng sư gô phak pơlôch sư, ăn kơ sư oei hơdai hăm dôm lu bơngai pơm ưh kơ tơpăt.

Mathiơ 25:8

Pơđăm 'nu adruh mă ưh kơchăng noh apinh pơđăm 'nu adruh mă kơchăng khan: ‘Asong nhôn đak trôl iĕm bĕ, yua kơ kơđeng nhôn wă păt, đak trôl đĭ boih.’

Tơdrông Pơđơk 24:20

Yua kơ bơngai pơm kơnê̆ ưh kơ lê̆ đunh ôh, Ŭnh kơđeng hu sư gô păt.

Tơdrông Pơđơk 20:20

Lu bơngai hiap mĕ 'bă, Ŭnh kơđeng sư gô păt hơngăm lăm măng mu.

Tơdrông Pơđơk 13:9

Ŭnh kơđeng lu bơngai tơpăt pơchrang hơdah; Gah ŭnh kơđeng lu bơngai kơnê̆ păt đĭ.

Horiso 32:10

Lu bơngai yoch đei tơdrong pơmat-tat. Mă-lei bơngai bu băt gơnang kơ Kră Yang, tơdrong 'mêm mơnat war tăp kơ bơngai noh.

Jop 18:18

Đơ̆ng anih hơdah đe klơ̆m lê̆ sư tơ lăm anih măng mu, păng puh tơweh sư đơ̆ng teh đak lu bơngai arih.

Jop 21:30

Lăm năr đei tơdrong truh, lu bơngai kơnê̆ oei gơh hiôk. Oei gơh klaih lăm năr hil mĭl?

Jop 31:2

Thoi 'noh mơ̆ng kơ Kră Yang 'Bok Kei-Dei đơ̆ng kơpal plĕnh ăn kơ inh tơmam kiơ. Mŭk tơmam kiơ đơ̆ng Kră Yang Tih Hloh đơ̆ng kơpal plĕnh?

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?