Jop 20:23 - Sơ̆p Hlabơar Nơ̆r 'Bok Kei-Dei

²³ Layơ sư phĭ 'bĕnh klak bơih, Kră Yang 'Bok Kei-Dei gô tuh tơdrong hil mĭl Sư thoi đak 'mi. Pơm tơmam sa sư

Jop 20:23 Referans Kwoze

Jo 11:33

Sa 'nhĕm oei đom lăm hơnĕnh, ưh kơ tam kơkă đei hloi tơdrong Kră Yang hil mĭl kơ kon pơlei, pơm ăn đei tơdrong truh pơrăm kon pơlei pơla trăp dêh tơpă.

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

Êsai 21:4

Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.

Le 9:23

Na Môis yơ̆r hloi 'long jra sư tơ plĕnh, Kră Yang ăn đei grơ̆m glaih 'mi prĕl jruh, glaih taih jơ̆p kơpal teh. Na Kră Yang ăn plĕnh 'mi prĕl jruh jơ̆p kơ dêh Êyiptơ.

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Jo 11:18

Ih athei roi tơbăt ăn kơ kon pơlei thoi âu: Pơgê dơning athei rim 'nu hơmet akâu kơdih mă 'lơ̆ng rơgoh; lei na lu iĕm đei 'nhĕm sa, yua kơ lu iĕm nhơ̆m boih, đon Kră Yang kơtơ̆ng lu iĕm nhơ̆m khan: Bu gô ăn kơ lu nhôn 'nhĕm sa, yua kơ lu nhôn đĭ hiôk boih oei lăm dêh char Êyiptơ, na Kră Yang gô ăn kơ lu iĕm 'nhĕm sa, na lu iĕm gô đei 'nhĕm sa.

Jop 20:13

Mă khan sư 'mêm kơ tơdrong pơm kơnê̆ thoi 'mŏm pơ'ngơ̆m lăm 'bơ̆r sư, ưh kơ wă 'maih lă hŭt lê̆,

Jop 20:14

Mưh sư luăn lăm klak, tơdrong pơm kơnê̆ noh gô 'bâu ôm, jing hơkăm thoi bih 'bih dong.

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.