Jop 2:3 - Sơ̆p Hlabơar Nơ̆r 'Bok Kei-Dei

³ Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”

Jop 2:3 Referans Kwoze

Jop 1:8

Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Tơdrông Pơđơk 16:17

Trong lu bơngai tơpăt băt weh đơ̆ng yoch. Bu kơchăng lăng trong wei rong bơhngol sư kơdih.

Jop 9:17

Sư pơm kial hơbŭt tơpơ̆k inh, păng pơm kơ rơka rai să tơdrong kơ đei.

Philip 3:12

Mă-lei tôm tơdrong inh ưh tam mă pơm 'blep thoi 'Bok Kei-Dei ôh. Mă-lei lăm jơhngơ̆m klơm klak inh adrin tôch bơneh thoi bơngai kơdâu pơjei ră. Inh adrin khŏm khŏm wă kơ pơm tôm tơdrong đêl Yêsu pơkă kơ inh kơplah Sư iŏk inh sơ̆.

Yo 9:3

Yêsu khan: “Sư măt tol ưh kơ sĭ yua kơ đơ̆ng sư pơm yoch, dah đơ̆ng mĕ 'bă sư pơm yoch ôh. Sư măt tol yua kơ 'Bok Kei-Dei wă tơ'bôh kơ đe tơdrong mơsêh mơyang Sư wă pơklaih bơngai âu.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Tơdrông Pơđơk 14:2

Bơngai bu năm lăm tơdrong tơpăt băt hli yom kơ Kră Yang; Mă-lei bơngai bu pơm kiơ̆ trong tơdrong kơnê̆ areh kơ Sư.

Tơdrông Pơđơk 13:6

Tơdrong tơpăt băt wei bơngai oei sa 'lơ̆ng tơpăt Mă-lei tơdrong kơnê̆ teh pơrăm lê̆ lu bơngai pơm kư̆ kă.

Tơdrông Pơđơk 11:8

Bơngai tơpăt gô đei dŏng pơklaih đơ̆ng tơdrong pơmat-tat; Mă-lei gô đei tơdrong pơmat-tat truh tơ lu bơngai pơm kơnê̆.

Horiso 41:12

Na, đơ̆ng tơdrong tơpăt inh, Ih tơiung inh, Ăn inh kơjăp 'bơ̆t anăp Ih ling-lang.

Horiso 37:37

Lăng bĕ tơ lu bơngai 'lơ̆ng păng lăng lu bơngai tơpăt; Yua kơ tuch-luch lu bơngai tơpăt gô đei tơdrong hiôk-hian.e

Jop 13:15

Mă Kră Yang pơlôch inh, inh kư̆m oei gơnang kơ sư; Mă-lei inh oei dŏng tơdrong arih inh 'bơ̆t anăp Sư.

Jop 9:20

Mă khan inh bơngai 'lơ̆ng tơpăt huay kơ yoch. Nơ̆r lĕch đơ̆ng 'bơ̆r inh gô jô̆ inh yoch; mă khan inh bơngai tơpăt Sư gô tơ'bôh ăn kơ inh đŏng đĕo.

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

II Sam 20:20

Jôap tơl: “Ưh kơ đei layơ! Ưh kơ đei layơ inh mă đei tơchĕng wă pơlôch dah pơrăm lê̆!

Bl 6:9

Âu roi gah Nôê. Nôê lăm chăl arih sư jơ̆ minh 'nu bơngai 'lơ̆ng tơpăt, ưh kơ đei tơdrong glăi kiơ, sư kiơ̆ Kră Yang 'Bok Kei-Dei.

Horiso 26:1

Ơ Kră Yang, apinh Ih sek tơlang lăng inh, Yua kơ inh oei arih 'lơ̆ng rơgoh,a Inh gơnang kơ Kră Yang na inh huay kơ tơpling jơ̆ng.

Jop 2:2

Kră Yang jet Satan: “E đơ̆ng yơ?” Satan tơl Kră Yang, “inh chă lăng nơnăm juang jơ̆p-jang kơ teh đak.”

Jop 2:4

Satan tơl Kră Yang: “Akar 'mong akar. Minh 'nu bơngai kư̆m gơh jao đĭ mŭk tơmam sư đei wă tơplih iŏk tơdrong arih sư.

Jop 1:6

Lăm minh năr ei lu linh jang năm akŭm 'bơ̆t anăp Kră Yang păng Satanb kư̆m năm hăm lu sư mơ̆n.