Jop 2:2 - Sơ̆p Hlabơar Nơ̆r 'Bok Kei-Dei

² Kră Yang jet Satan: “E đơ̆ng yơ?” Satan tơl Kră Yang, “inh chă lăng nơnăm juang jơ̆p-jang kơ teh đak.”

Jop 2:2 Referans Kwoze

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

Jop 1:7

Kră Yang jet Satan: “E đơ̆ng yơ?” Satan tơl Kră Yang: “Inh chă nơnăm juang jơ̆p-jang kơ teh đak.”

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

Bl 16:8

Na jet: “Hagar đam Sarai, ih đơ̆ng yơ?” Hagar tơl: “Inh weh đơ̆ng muh măt Sarai, yŏng tơ'ngla inh.”

Jop 2:1

Lăm minh năr nai đơ̆ng đei lu linh jang năm akŭm 'bơ̆t anăp Kră Yang, na Satan kư̆m năm mơ̆n 'bơ̆t anăp Kră Yang.

Jop 2:3

Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”