Jop 15:32 - Sơ̆p Hlabơar Nơ̆r 'Bok Kei-Dei

³² Sư gô apah đei tôm adrol kơ khei năr lôch wă truh. Sư thoi dơng ưh kơ hơdrih ôh.

Jop 15:32 Referans Kwoze

Bôk Bơthô 7:17

'Nĕ kiơ̆ lu trong pơm kơnê̆ păng 'nĕ kơ oei sa thoi bơngai kơtul bơlŭk; đei yua kiơ rai jah lôch adrol kơ jơ 'năr hơgăt.

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Jop 22:16

Đe rôp ba pơlôch lu sư adrol kơ năr pơkă, tơm tơdrong arih lu sư đe tơhiong hoch ro kiơ̆ đak glung;

Hôsia 9:16

Inh ăn kơ rơh Êphraim, kro boih, lu sư ưh pă đei plei dơ̆ng boih, mă khan lu sư pơjing kon hơ'lơ̆p, Inh gô pơlôch lê̆ đĭ kon lu sư mă 'mêm kơeng đơ̆ng blu pôih.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Yo 15:6

Bơngai bu ưh kơ oei lăm Inh, 'Bă Inh gô tŭk lê̆ sư, kư̆m thoi đe tŭk dơng 'long, na dơng 'noh jing kro. Klaih kơ noh đe dônh lu dơng kro noh klơ̆m tŭk lăm ŭnh, na ŭnh gô sa sư.

Tơdrông Pơđơk 10:27

Tơdrong hli yom kơ Kră Yang ba thim khei năr; Mă-lei khei sơnăm lu bơngai pơm kơnê̆ gô rai djăl.