Jop 15:30 - Sơ̆p Hlabơar Nơ̆r 'Bok Kei-Dei

³⁰ Sư ưh pă gơh klaih hlôi đơ̆ng măng mu; pla ŭnh gô sa pơkro tơmơ̆ng sư. Hơyuh dui jơhngơ̆m đơ̆ng 'bơ̆r Kră Yang 'Bok Kei-Dei gô pơđông lê̆ sư tơ nai.

Jop 15:30 Referans Kwoze

Jop 4:9

Hơyuh kial dui jơhngơ̆m Kră Yang 'Bok Kei-Dei pơrăm lu sư. Tơdrong Kră Yang 'Bok Kei-Dei hil mĭl na lu sư hiong răm.

Jop 20:26

Măng mu hơ'bơ̆l gô gom klơ̆p lê̆ tơmam gĭt sư. Ŭnh ưh kơ đei kon bơngai dơhlu dơhlông sa lê̆ sư. Kiơ mă oei lăm bơsŭn sư ŭnh gô sa pơđĭ.

Jop 15:22

Ưh pă đei hơmĕng gơh klaih hlôi đơ̆ng tơdrong lôch, bơngai chĕp đao gưm răp pơlôch sư.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Jop 22:20

“Bơngai ayăt kơ lu bơ̆n sĭt gô lôch pơđĭ. Păng tơmam kiơ mă lu sư 'măn lê̆ ŭnh gô sa pơgoh.”

Jop 18:18

Đơ̆ng anih hơdah đe klơ̆m lê̆ sư tơ lăm anih măng mu, păng puh tơweh sư đơ̆ng teh đak lu bơngai arih.

Jop 5:14

Kơ'năr lu sư yak thoi lăm măng mu. Tŏk-bŏk 'năr dơ̆ng lu sư chă hơwơ̆ thoi kơmăng.

Jop 15:23

Sư hoang tơ âu tơ to wă chă tơmam sa, khan tơmam sa tơ yơ. Sư băt kơ năr tơdrong răm wă jê̆

Jop 15:34

Lu bơngai ưh kơ lui yom kơ Kră Yang gô hơwŏng. Ŭnh gô sa pơrăm bơsŭn lu bơngai sa pơgâm đe.

Jop 18:16

Tơ ala rơh sư jô kro, tơ kơpal dơng sư jô hŏnh.

Jop 31:12

Yoch noh bơih mă thoi ŭnh sa kơdơ̆r lăm dơnâu ŭnh. Sa pơrăm đĭ truh tơ rơh dôm hơnik hơnam mă inh đei.

Hôsia 6:5

Yua kơ thoi noh na Inh đei ăn boih lu bơngai khan lê̆ adrol pơbral lu iĕm, Inh pơlôch boih lu iĕm hăm nơ̆r pơma đơ̆ng 'bơ̆r Inh. Tơdrong Inh sek tơlang lĕch thoi hơdah măt 'năr lĕch.