Jop 15:28 - Sơ̆p Hlabơar Nơ̆r 'Bok Kei-Dei

²⁸ Sư gô oei tơ lăm pơlei mă đe pơrăm bơih, tơ lăm hnam juơ, hnam rơ̆m rĕk ưh kơ đei bơngai oei.

Jop 15:28 Referans Kwoze

Jop 3:14

Hơdai hăm lu yŏng păng pơtao teh đak, lu bơngai mă pơjing anih dang ei ning-mônh kơdih gô hiong răm.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Jop 18:15

Bơngai ưh kơ khŭl sư gô oei lăm bơsŭn sư, đe tuh tơmo ŭnh tơ kơpal anih sư oei.