Jop 15:23 - Sơ̆p Hlabơar Nơ̆r 'Bok Kei-Dei

²³ Sư hoang tơ âu tơ to wă chă tơmam sa, khan tơmam sa tơ yơ. Sư băt kơ năr tơdrong răm wă jê̆

Jop 15:23 Referans Kwoze

Horiso 109:10

Ăn kơ lu kon sư jing răm-'băm păng jing ăn-mai. Puh lu sư chă sa ataih đơ̆ng anih hnam đe pơrăm boih.

Horiso 59:15

Lu sư chă sa yak tơ âu tơ to; Dah ưh kơ phĭ lu sư grĕnh oei kơtă prăt măng.

Jop 18:12

Tơdrong pran sư rơdu tơrăn yua kơ pơngot. Tơdrong răm truh răp 'bơ̆t cheng sư.a

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

Jêphania 1:15

Năr noh năr tơdrong hil, năr pơmat-tat ơh sơ'ngon, năr noh năr đe pơlôch pơrăm, năr măng mu păng năr ưh kơ đei hơdah năr hơmơ̆l păng tŭk gom,

Am 5:20

Năr Kră Yang hăm trŏ măng mu, ưh kơ hơdah, noh tơdrong ơh sơ'ngon, măng klăm hăm đei hơdah hơdong rang mơnhal deh?

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Nhom 5:9

Lu nhôn hiong akâu 'mơ̆i na đei tơmam sŏng sa. Yua kơ đao gưm tơ tơmăn glă oei răp wă pơlôch nhôn.

Nhom 5:6

Lu nhôn chro ti tơ lu bơngai Êyiptơ, păng bơngai Asiri, wă kơ đei tơmam sŏng sa phĭ mah.

Bôk Bơthô 11:8

Dah bơngai arih sot 'bôh hơdah đunh sơnăm, lei athei chơt hiôk bĕ tôm dôm lu sơnăm noh; mă-lei athei 'blŏk gô đei năr măng mu kơnê̆ păng gô đei lơ tơdrong tơ anăp bơ̆n ưh tam băt hơđăl thoi yơ tơpă.

Jop 18:18

Đơ̆ng anih hơdah đe klơ̆m lê̆ sư tơ lăm anih măng mu, păng puh tơweh sư đơ̆ng teh đak lu bơngai arih.

Bl 4:12

Mưh ih choh pơtăm, teh ưh pă pơjing tơmam sa kơ ih boih, ih gô thông mang huang jơ̆p kơ teh.”

Jop 15:22

Ưh pă đei hơmĕng gơh klaih hlôi đơ̆ng tơdrong lôch, bơngai chĕp đao gưm răp pơlôch sư.

Jop 15:24

Sư hli tơrơ tơdrong pơmat-tat ơh sơ'ngon wă truh, Tŭn drŭt sư thoi pơtao pran kơtang wă tơblah.

Jop 15:30

Sư ưh pă gơh klaih hlôi đơ̆ng măng mu; pla ŭnh gô sa pơkro tơmơ̆ng sư. Hơyuh dui jơhngơ̆m đơ̆ng 'bơ̆r Kră Yang 'Bok Kei-Dei gô pơđông lê̆ sư tơ nai.

Horiso 59:16

Mă-lei inh gô hơri bơnê, tơdrong mơsêh Ih Pơgê hrôih drôih hơri re kơ tơdrong Ih 'mêm mơnat; Yua kơ Ih jing anih kơjăp inh kơ'nơp. Minh anih inh kơ'nơp lăm năr đei tơdrong anat anot.

Tơdrông Pơđơk 10:3

Kră Yang ưh kơ lê̆ ôh lu bơngai tơpăt pơngot rơwĕt. Mă-lei sư sơngah tơdrong bơngai kư̆ kă wă.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.