Jop 14:13 - Sơ̆p Hlabơar Nơ̆r 'Bok Kei-Dei

¹³ Hơpơi rŏ kơ Ih ôn inh tơ lăm bơsat klơ̆p ôn inh dĭng truh tơblĕk Ih ngach 'mơ̆i, Truh jơ 'năr đêl hơgăt kơ inh, apinh Ih 'blŏk kơ inh dơ̆ng!

Jop 14:13 Referans Kwoze

Markôs 13:32

“Năr păng jơ ei ưh kơ đei bu băt. Lu linh jang 'lơ̆ng kơpal plĕnh ti ưh kơ băt. Inh Kon 'Bok Kei-Dei ră, kư̆m hơdai ưh kơ băt mơ̆n. Pôm 'Bă Inh đĕch băt kơ năr ei kơnh.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Jang 1:7

Yêsu khan: “Năr 'noh 'Bă Inh pơkă kơdih, Sư ưh kơ ăn iĕm băt ôh.

Luka 23:42

Na bơngai ei khan kơ Yêsu thoi âu: “Ơ Yêsu, apinh Ih mơnat kơ inh 'biơ̆ hŏ lăp Ih pơm Pơtao nhôn ning-mônh.”

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Horiso 106:4

Ơ Kră Yang, apinh 'blŏk kơ inh, mưh Ih mơnat ăn kơ kon pơlei Ih. Năm tơgŭm inh, mưh Ih dŏng pơklaih lu sư?

Bl 8:1

Kră Yang 'Bok Kei-Dei 'blŏk kơ Nôê păng dôm lu sem brem mă mơ̆t hơdai sư lăm duk, na Kră Yang 'Bok Kei-Dei ăn kial tih tơthu bah tơ kơpal teh, na đak sư dơ̆ng.

Jop 7:9

Thoi hơmơ̆l păr đông hiong đĭ. Thoi noh mơ̆n kon bơngai jur năm tơ pơlei lôch ưh pă gơh brŏk dơ̆ng.

Jop 14:14

Bơngai lôch, hăm gơh iung arih dơ̆ng? Đĭ-đăng năr jang gleh glăn inh, inh răp gô tơ̆p mă inh gơh lĕch.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.