Jop 12:4 - Sơ̆p Hlabơar Nơ̆r 'Bok Kei-Dei

⁴ Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.

Jop 12:4 Referans Kwoze

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Jop 30:1

Mă-lei dang ei, lu sư hiĕk ăr kơ inh, lu sư tơdăm 'lơ̆p hloh kơ inh, Mă 'bă lu sư, inh pă jô̆ bơih, wă jang wei triu. Hơdai hăm kŏ inh.

Jop 21:3

Adrin ĕnh, gô inh pơma: Đang kơ inh pơma bơih, lu iĕm gơh che bơle.

Jop 17:6

Kră Yang 'Bok Kei-Dei pơm kơ kon pơlei pơla hiĕk ăr kơ inh. Lu sư kơ soh đak hai tơ muh măt inh.

Jop 17:2

Lu bơngai che bơle wang tăp kơ inh, inh ngăl 'bôh lu sư pơm kơ inh.

Jop 16:10

Lu bơngai ha 'bơ̆r che bơle kơ inh, tap tơ'bŏk pơma pơjăm pơjuă inh. Lu sư pôm đon blah inh.

Hêbrơ 11:36

Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Markôs 5:40

Na đe ei hiĕk kơ Sư. Sư pơpuh lu bơngai oei lăm ei lĕch đĭ tơ 'ngoaih na anhăk mĕ 'bă adruh mă lôch noh păng pêng 'nu bơngai mă kiơ̆ Sư hei, mơ̆t tơ anih đe tơ'bĭch adruh mă lôch noh.

Mathiơ 27:29

Păng lu sư iŏk tơlei jơla chuă pơm agăl na pơyơ̆l tơ kơ̆l Yêsu. Lu sư iŏk 'long jra ăn kơ Sư chĕp gah 'ma, na lu linh ei pơm sơtơ̆p kŭl-tăng kơkuh pơngiĕl kơ Sư, lu sư khan: “Kơkuh kơ Ih 'Bok Pơtao bơngai Juđê.”

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Tơdrông Pơđơk 14:2

Bơngai bu năm lăm tơdrong tơpăt băt hli yom kơ Kră Yang; Mă-lei bơngai bu pơm kiơ̆ trong tơdrong kơnê̆ areh kơ Sư.

Horiso 35:16

Lu sư kăp hơnĕnh wă pơm kơ inh. Lu bơngai kơnê̆ nŏng kơ blei hiap inh.

Jop 16:20

Lu buăl juăt inh che bơle kơ inh. Đak măt inh hyôi hyai krao apinh Kră Yang 'Bok Kei-Dei.

Jop 11:3

Ih pơma kư̆ kă hăm pơm kơ đe ngăn đĕch? Wă ưh kơ đei bu chrih kơ ih, mưh ih chă pơjăm đe.

Jop 6:29

Inh apinh lu iĕm tơchĕng lăng dơ̆ng, 'nĕ chă jâu kư̆ kă. Apinh lu iĕm lăng hơlen bĕ, inh ưh kơ đei yoch.

Mathiơ 9:24

Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Jop 9:21

Inh 'lơ̆ng tơpăt, mă-lei inh khan kơdih ưh kơ yua kiơ; inh areh kơ tơdrong arih inh.

Jop 12:5

Bơngai oei hiôk 'lơ̆ng pơjăm bơngai đei gleh truh. Bơngai bu tơpling jơ̆ng gô pơ̆k hloi.

Jop 13:18

Inh đei hơmet bơih nơ̆r inh wă pơma dŏng, Inh băt tơpă gô jei inh.

Jop 30:9

Na dang ei kon sâu lu sư hơri jô̆ pơjăm inh, Roi 'bơm che bơle kơ inh.

Jop 34:7

Hăm đei bu thoi Jop, nhă nơ̆r đe pơjăm che bơle thoi kơ đak?

Je 20:7

Ơ Kră Yang, Ih pơhlŭ inh boih, inh chu iŏk boih dôm tơdrong Ih pơgŏ, Ih pơjuă pơđep inh păng jei Ih boih. Inh arih pơm kơ đe hiĕk ăr kơ inh prăt năr. Rim bơngai hiĕk pơjăm inh.