Jop 11:3 - Sơ̆p Hlabơar Nơ̆r 'Bok Kei-Dei

³ Ih pơma kư̆ kă hăm pơm kơ đe ngăn đĕch? Wă ưh kơ đei bu chrih kơ ih, mưh ih chă pơjăm đe.

Jop 11:3 Referans Kwoze

Jop 17:2

Lu bơngai che bơle wang tăp kơ inh, inh ngăl 'bôh lu sư pơm kơ inh.

Ju 1:18

Lu sư khan: “Khei 'năr wă tôch ning-mônh, đei lơ bơngai che bơle kơ tơdrong lui bơ̆n; lu sư kiơ̆ kơ jơhngơ̆m lu sư kơdih 'maih pơm tơdrong kư̆ kă na lu sư che bơle.”

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

II Tes 3:14

Dah bơngai bu ưh kơ chu dôm nơ̆r nhôn chih bơtho lăm kơthơ âu, iĕm tơ'bôh akâu sư kơ lu bơngai lui păng 'nĕ pă pơm buăl hăm sư wă kơ sư mơlâu.

Je 15:17

Inh ưh kơ lah ngôi chơt hiôk hơdai hăm lu bơngai et sa kơnê̆ ôh, Inh kư̆m ưh kơ lah hiôk hơdai lu sư; Inh ngôi minh drô̆ inh yua kơ ti Ih dan kơpal inh, Ih kư̆m tuh kơ jơhngơ̆m inh 'bĕnh kơ tơdrong Ih hil mĭl.

Horiso 83:16

Ơ Kră Yang, apinh Ih pơm ăn kơ muh măt lu sư kơdơ̆ mơlâu, wă kơ lu sư krao chă Ih.

Horiso 35:16

Lu sư kăp hơnĕnh wă pơm kơ inh. Lu bơngai kơnê̆ nŏng kơ blei hiap inh.

Jop 34:7

Hăm đei bu thoi Jop, nhă nơ̆r đe pơjăm che bơle thoi kơ đak?

Jop 24:25

Tơdah ưh kơ đei thoi ei bơngai bu jô̆ khan kơ inh pơma hơlĕnh. Păng pơdah nơ̆r inh tơdrong kơ đei.

Jop 21:3

Adrin ĕnh, gô inh pơma: Đang kơ inh pơma bơih, lu iĕm gơh che bơle.

Jop 13:9

Lu iĕm hăm đei apah bơnê tơdah Sư lăng lăm jơhngơ̆m iĕm? Iĕm tơchĕng gơh hơlĕnh kơ Sư thoi hơlĕnh kơ kon bơngai hă?

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

Jop 12:4

Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.