Jop 1:8 - Sơ̆p Hlabơar Nơ̆r 'Bok Kei-Dei

⁸ Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

Jop 1:8 Referans Kwoze

Jop 2:3

Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Êsai 1:16

Hum hơrao bĕ mă rơgoh! 'Bơ̆t anăp Inh lu iĕm athei hŭt lê̆ đĭ dôm tơdrong kơnê̆. 'Nĕ pă pơm tơdrong kơnê̆ dơ̆ng.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Jop 8:20

“Mă-lei Kră Yang 'Bok Kei-Dei ưh kơ achăng lê̆ ôh lu bơngai 'lơ̆ng tơpăt. Kŭm ưh kơ wă tơgŭm lu bơngai pơm kơnê̆.

II Pot 23:25

Adrol kơ Jôsia ưh kơ đei minh 'nu pơtao ayơ thoi sư, 'mêm kơ Kră Yang đĭ jơhngơ̆m đĭ tơdrong tơchĕng đĭ tơdrong pran sư, pơm kiơ̆ tôm khôi juăt Môis păng đơ̆ng rŏng kơ sư kư̆m ưh kơ đei bu lei-lăi thoi sư.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Jo 12:3

Môis boih mă iŏk đon ala iơ̆m dim hloh kơ đĭ-đăng bơngai kơpal teh âu.

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Horiso 18:23

Inh oei 'lơ̆ng hơiă 'bơ̆t anăp Sư, Bơwei kơdih akâu huay kơ pơm kơnê̆

Jop 34:14

Tơdah Kră Yang pơkă wă pơm. Tơdah Sư pơdrâu iŏk bơhngol păng hơyuh kial dui jơhngơ̆m đơ̆ng Sư kơdih,

Jop 12:4

Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Horiso 89:20

Inh chă 'bôh boih Đawit, đĭch đam Inh, Tuh boih kơ sư đak rơmă 'lơ̆ng rơgoh Inh.

Horiso 37:27

Weh bĕ dơ̆ng tơdrong kơnê̆ păng pơm tơdrong 'lơ̆ng, Na gơh oei arih ling-lang.

Horiso 36:1

Tơdrong kơnê̆ lu bơngai pơm kơnê̆ khan tơ lăm jơhngơ̆m inh. Ưh kơ đei tơdrong hli yom kơ Kră Yang 'Bok Kei-Dei 'bơ̆t anăp sư.

Horiso 34:14

Weh kơ tơdrong kơnê̆ păng pơm bĕ tơdrong 'lơ̆ng. Chơchă bĕ tơdrong hiôk-hian păng druh kiơ̆ tơdrong ei.

Ne 5:15

Mă-lei lu kră wei-lăng adrol kơ inh pơgŏ kon pơlei tơgŭm tơmam sa păng sik, 'nguaih kơ puăn-jĭt sêikơl jên hu; lu bơngai đĭch đam kiơ̆ wei-lăng sư kư̆m wang chă apinh đơ̆ng kon pơlei đơ̆ng, mă-lei gah inh ưh kơ pơm thoi noh ôh; yua kơ hli yom kơ Kră Yang 'Bok Kei-Dei.

Jôsuê 1:2

Môis đĭch đam Inh hlôi lôch, dang ei kon pơlei pơla ih iung bĕ, năm tŏk găn kơ đak Krong Jôrđăn, truh tơ teh đak mă Inh gô ăn kơ lu adrĕch adrung Isơrael.

Jop 2:1

Lăm minh năr nai đơ̆ng đei lu linh jang năm akŭm 'bơ̆t anăp Kră Yang, na Satan kư̆m năm mơ̆n 'bơ̆t anăp Kră Yang.