Jop 1:5 - Sơ̆p Hlabơar Nơ̆r 'Bok Kei-Dei

⁵ Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Jop 1:5 Referans Kwoze

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Jop 8:4

Kon hơ'lơ̆p ih đei pơm yoch boih hăm Kră Yang 'Bok Kei-Dei, na Kră Yang ăn kơ lu đe noh pŭ iŏk pơmat, yua kơ tơdrong yoch lu sư.

I Sam 16:5

Na sư tơl: Hiôk-hian Inh truh tơ âu wă pơyơ̆r tơmam soi 'buh kơ Kră Yang; hơmet bĕ kơdih akâu mă 'lơ̆ng rơgoh păng kư̆m wang năm tơ âu hơdai inh. Sư kư̆m krao wơ̆n Jese lu kon drŏ-nglo sư hơmet akâu kơdih rơgoh 'lơ̆ng na kư̆m năm tơ anih pơyơ̆r.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Jang 8:22

Ih athei tơbral kơdih tơdrong yoch ih âu. Apinh 'Bok Kei-Dei 'nĕ jô̆ yo kơ ih tơdrong ih tơchĕng yoch noh hei.

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

Bl 22:3

Abraham iung đơ̆ng hrôih, hrơ̆t aseh. Sư chông ba 'bar 'nu đĭch đam sư păng kon sư Isăk kư̆m năm hơdai. Sư chăl 'long ŭnh chĕp ba wă 'buh tơmam soi na năm tơ anih mă Kră Yang 'Bok Kei-Dei đei tơ'bôh ăn.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Jang 21:26

Thoi noh na Pôl chu tơgŭm puăn 'nu bơngai ei. Năr dơning Pôl păng puăn 'nu bơngai ei pơm kiơ̆ tơdrong juăt wă kơ rơgoh. Đơ̆ng noh sư mơ̆t tơ hnam akŭm 'Bok Kei-Dei tơm pơma dơnuh păng đe 'bok soi gah tơdrong giĕng lu sư wă kơtĕch layơ. Gô đang kơ giĕng 'mơ̆i, na 'bok soi wă soi sơmah kơ 'Bok Kei-Dei kơ rim 'nu lu sư.

Luka 18:7

Pơma kơ kiơ kơ 'Bok Kei-Dei Sư gô tơdŏng tơpă lu bơngai mă Sư đĭ rơih boih mă oei krao khan kơ Sư măng năr. 'Bok Kei-Dei hăm ngê̆ gô đunh ưh?

Yo 11:55

Hơtai ei Năr Giĕng Năm Brih đe Juđê wă jê̆ truh boih, na lơ bơngai Juđê đơ̆ng pơlei nai năm tơ Pơlei Jêrusalem hơdrol kơ năr giĕng ei. Lu sư năm tơ lu 'bok soi wă pơm rơgoh kơdih tơdrong yoch hơdrol kơ Năr Giĕng Năm Brih ei.

Luka 1:75

păng pơm 'lơ̆ng tơpăt păng Sư păng kon bơngai mơ̆n tơ anăp 'Bok Kei-Dei, mă đơ̆ng sơ̆ khơ̆ ning-mônh.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Horiso 5:3

Ơ Kră Yang! Pơgê hrôih Ih gô kơtơ̆ng nơ̆r inh; Pơgê hrôih inh gô roi dôm tơdrong kiơ 'bơ̆t anăp Ih păng chang gô.

Jop 41:25

Kơplah sư iung, mă lu bơngai nuih kơtang kư̆m hli tơtơ̆ ngăl; Lu sư hli tơrơ na kơdâu ôn.

Jop 27:10

Lu sư hăm đei chơchă tơdrong hiôk chơt lăm Kră Yang Tih Hloh, Hăm đei krao apinh Kră Yang 'Bok Kei-Dei ling-lang ưh?

Jop 2:9

Akăn sư khan kơ sư: “Liơ ih oei wei kơjăp lăm tơdrong 'lơ̆ng? Hiap bĕ Kră Yang 'Bok Kei-Dei na lôch!”

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Ne 12:30

Lu 'bok soi păng lu bơngai Lêwi păng hơmet kơdih wă kơ 'lơ̆ng rơgoh kư̆m hơmet ăn kơ kon pơlei wă kơ 'lơ̆ng rơgoh, lu 'măng jang păng dur pơlei kư̆m rơgoh mơ̆n.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

II Kor 11:2

Inh gar 'mêm kơ iĕm kư̆m thoi 'Bok Kei-Dei gar; inh pơjao iĕm kơ Yêsu Krist, thoi bơngai kơdranh pơjao minh 'nu adruh 'lơ̆ng tơpăt kơ pơyô sư tơdăm kư̆m 'lơ̆ng tơpăt.

I Pot 18:31

Êli iŏk mơjĭt-'bar tŏ tơmo kiơ̆ kơsô̆ mơjĭt-'bar adrĕch kon drŏ-nglo Jakôp, bơngai mă nơ̆r Kră Yang khan: “Anăn ih gô krao Isơrael.

Le 24:5

Sư wơh lu tơdăm Isơrael năm pơyơ̆r tơmam soi 'buh păng tơmam soi 'blŏk bơnê kơ Kră Yang hăm rơmo dăm.

Jop 1:4

Lu kon drŏ-nglo sư juăt kơ et sa, hơpong băl dăr tơ rim hnam lu sư; păng wơ̆n pêng 'nu mai oh drŏ-kăn sŏng sa hơdai lu sư.

Jop 6:14

“Bơngai rơdu ơh sơ'ngon kăl kơ đei 'bôh buăl tơgŭm pơlung, mă khan bơngai noh hiong tơdrong hli yom kơ Kră Yang Tih Hloh.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.