Jôna 4:8 - Sơ̆p Hlabơar Nơ̆r 'Bok Kei-Dei

⁸ Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!

Jôna 4:8 Referans Kwoze

Jôna 4:3

Ơ Kră Yang, dang ei, inh krao apinh Ih iŏk lê̆ tơdrong arih inh bĕ! Yua kơ gah inh, lôch 'lơ̆ng hloh kơ arih.

Êsêkiên 19:12

Mă-lei sư buch đĭ lăm năr hil mĭl păng klơ̆m lê̆ tơ teh. Kial đơ̆ng hơlĕch tơthu pơm kơ tơm sư kro, plei sư hơlŭng, đĭ dơng tih kư̆m jô kro păng ŭnh sa đĭ.

Horiso 121:6

Măt 'năr ưh kơ đei pơm kơ ih tŏ ôh kơ 'năr, măt khei kư̆m ưh kơ đei pơrăm ih kơmăng.

Tơdrông Tơ'bôh 7:16

Lu sư ưh pă layơ pơngot dah ol kơ đak, ưh pă layơ hli kơ bơyan tŏ bơyan phang.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Jôna 1:17

Mă-lei Kră Yang hơmet lê̆ ka tih luăn Jôna. Jôna oei lăm klak ka pêng năr pêng măng.

Jôna 1:4

Mă-lei Kră Yang ăn đei kial hơbŭt tih tơ đak dơsĭ, duk mah wă jê̆ pơchah.

Hơri Hiôk 1:6

'Nĕ kơ pơglăn tơ inh, yua kơ inh jơmăng, Yua kơ đơ̆ng tŏ sa. Lu kon tơdăm mĕ inh areh kơ inh, Jao inh wei-lăng pơgar hơmu lu sư; Na pră lê̆ pơgar hơmu inh ưh kơ đei bu wei-lăng!

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Mathiơ 20:12

‘Lơliơ ih apah lu đe noh jang đơ̆ng rŏng nhôn mơ'nah lăp minh jơ đĕch mă hơnơ̆ng kơ nhôn jang lap tŏ prăt năr?’

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Jôna 4:9

Kră Yang 'Bok Kei-Dei khan kơ Jôna thoi âu: Ih hăm trŏ kơ hil blĕk yua kơ tơnơm hla hro 'nâu? Sư tơl: Inh blĕk 'nâu trŏ, inh blĕk trŏ kơ lôch.

Bl 41:6

Đơ̆ng rŏng kơ noh, tơpơh hơie 'ba bo păng kial đơ̆ng hơlĕch tơthu, chăt kiơ̆ tơpơh hơie 'ba adrol noh.

I Pot 21:4

Ahap mơ̆t tơ lăm hnam jơhngơ̆m ưh kơ hiôk păng sơ'ngon dêh yua kơ nơ̆r Nabôt, bơngai Jêsreel; đei khan kơ pơtao: “Inh ưh kơ gơh ăn kơ ih ôh tơmam đơ̆ng lu 'bok kơdră inh. Ahap mơ̆t 'bĭch tơ giơng tep om ơh sơ'ngon ưh kơ sŏng sa.

Jop 7:15

Kơtrơ̆m jah đe ket hơlŏng inh kơtĕch jơhngơ̆m, jah lôch 'lơ̆ng hloh kơ arih lăm kơting akâu âu.

Bôk Bơthô 7:9

'Nĕ hăt kơ hil, yua đơ̆ng tơdrong hơgei na gơh wei tơdrong arih kơdih akâu.