Jôna 1:16 - Sơ̆p Hlabơar Nơ̆r 'Bok Kei-Dei

¹⁶ Yua kơ thoi noh lu bơngai noh hli yom kơ Kră Yang lu sư pơyơ̆r tơmam soi ăn kơ Kră Yang păng pơkă hăm Kră Yang.

Jôna 1:16 Referans Kwoze

Horiso 107:22

Ăn kơ sư pơyơ̆r tơmam soi bơnê iŏk 'bai hơri chơt hiôk na roi pơdah tơdrong jang Sư.

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Jang 5:11

Đĭ-đăng bơngai lui păng bơngai nai, lu sư hli tơpă yua kơ 'bôh 'bar 'nu bơngai lôch thoi noh.

Markôs 4:31

Lu bơngai 'Bok Kei-Dei pơgơ̆r thoi lĕ găr sơ'bei, găr noh iĕ hloh kơ đĭ-đăng găr nai.

Jôna 1:10

Lu bơngai lăm duk đĭ-đăng lu sư hli păng khan kơ Jôna thoi âu: Liơ ih pơm thoi noh? Lu đe noh băt boih kơ sư bơngai kơdâu klĕnh đơ̆ng Kră Yang; kơtơ̆ng đơ̆ng sư roi.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Êsai 26:9

Kơmăng bơhngol inh rơhing kơ Ih, pơgê lăm jơhngơ̆m inh hơpơi wă chă Ih dêh, mưh Ih sek tơlang tơ ala teh, kon bơngai oei lăm teh đak gô băt tơdrong 'lơ̆ng tơpăt.

Bôk Bơthô 5:4

Tơdah ih đei pơma pơkă hăm Kră Yang 'Bok Kei-Dei athei jah pơm pơkeh nơ̆r pơkă noh; yua kơ lu bơngai kơtul ưh kơ đei pơm kơ Kră Yang lăp đon. Lei jah pơkeh nơ̆r ih pơkă noh.

Horiso 116:14

Inh gô pơkeh ăn đĭ kơ Kră Yang dôm tơdrong đêl nơ̆r inh pơkă. 'Bơ̆t anăp đĭ-đăng kon pơlei Sư

II Pot 5:17

Naaman khan dơ̆ng: “Tơdah ih ưh kơ iŏk kiơ inh apinh ih asong inh kôch iŏk hơya 'bar bai teh lăp kơ 'bar tŏ aseh iĕ chơ kĕ; yua kơ đơ̆ng âu tơ anăp inh bơngai mă đĭch đam ih, ưh pă pơyơ̆r kơ yang nai ôh dôm tơmam soi 'buh pơkhôi dah tơmam soi nai 'nguaih kơ Kră Yang.

Lu 13:16

Linh jang 'lơ̆ng đơ̆ng Kră Yang tơl Manôa. Mă đơ̆ng ih wă gơ̆t inh 'bơ̆t âu ră mă-lei inh kư̆m ưh kơ gơh sa tơmam ih mơ̆n. Mă-lei tơdah ih wă pơyơ̆r tơmam soi 'buh ih, athei pơyơ̆r ăn kơ Kră Yang. Manôa ưh kơ băt 'noh linh jang 'lơ̆ng Kră Yang.

Bl 28:20

Na Jakôp hơpơi kơdih sư thoi âu: Tơdah Kră Yang 'Bok Kei-Dei oei hơdai inh, wei-lăng inh kơplah inh oei yak, ăn 'bĕng sa, ao hrŭk.

Jôna 1:14

Lu sư krao khan kơ Kră Yang thoi âu: Ơ Kră Yang, lu nhôn apinh Ih 'nĕ ăn kơ lu nhôn lôch yua kơ bơngai âu, 'nĕ jô̆ kơ lu nhôn pơlôch bơngai âu. Ơ Kră Yang, yua kơ Ih boih Tơ'ngla pơm tơdrong kiơ kiơ̆ kơ Ih wă.

Jop 37:24

Yua kơ thoi 'noh na kon bơngai hli yom kơ Sư. Kră Yang ưh kơ đei hiơ̆k 'blŏk ôh kơ bơngai khan kơ sư kơdih gơh hơgei.

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.