Jôel 3:21 - Sơ̆p Hlabơar Nơ̆r 'Bok Kei-Dei

²¹ Inh gô iung kơting pham lu sư mă Inh ưh tam mă iung kơting; yua kơ Kră Yang oei lăm kông Siôn.

Jôel 3:21 Referans Kwoze

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsai 4:4

Kră Yang gô ôp hơrao tơdrong pơm 'mê̆-'mach lu bơngai lăm Siôn, sek tơlang chhut rơgoh đĭ pham lăm pơlei Jêrusalem hăm Tơdrong Mơsêh Sư.

Êsêkiên 36:29

Inh gô dŏng pơklaih lu iĕm đơ̆ng tơdrong kơnê̆ 'mê̆-'mach; Inh gô ăn kơ 'ba mi jing 'lơ̆ng kơchar rai lơ păng ưh pă ăn kơ lu iĕm pơngot rơwĕt.

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.