Jôel 3:16 - Sơ̆p Hlabơar Nơ̆r 'Bok Kei-Dei

¹⁶ Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Jôel 3:16 Referans Kwoze

Am 1:2

Amôs khan: Kră Yang gô krao ôr đơ̆ng Siôn. Sư gô ôr pơret nơ̆r sư đơ̆ng Jêrusalem. Dôm lu 'nhĕt 'nhot bơngai wei triu kro jô păng tơ kơ̆l Kông Karmel 'long pơgê kư̆m jô kro mơ̆n.

Hagai 2:6

Yua kơ Kră Yang Tih Hloh khan thoi âu: ‘Oei pơma minh wơ̆t, ưh pă đunh dơ̆ng, Inh gô pơm kơ plĕnh păng teh tơdrŏ; đak dơsĭ păng teh gô hrĕng kro.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Êsai 42:13

Kră Yang năm tơ anăp thoi minh 'nu bơngai pran kơtang, Sư pơtrŭt jơhngơ̆m hưch hal nhen thoi linh tơblah, Sư ôr pơret re, Sư nuih tơblah hăm ayăt jei Sư.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsêkiên 38:19

Lăm tơdrong Inh gar, lăm tơdrong Inh hil mĭl tơpă, lăm năr noh gô đei tơdrong pơpơ̆ tih dêh truh kơ char Isơrael.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

Horiso 61:3

Yua kơ Ih jơ̆ anih inh kơ'nơp; Minh pôm hnam thôt kơjăp, wă blah lu ayăt.

Tơdrông Tơ'bôh 16:18

Klaih kơ noh na đei hloi grơ̆m aru 'mi pru sơaih glaih tơdrăng păng đei teh adrŏ tơtơ̆ng krưp dêh; đơ̆ng kon bơngai pơtơm oei tơ teh sơ̆ khơ̆ năr noh kơnh ưh tam kơtơ̆ng teh adrŏ krưp dang noh.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Êsai 33:16

Bơngai noh sư gô oei tơ lăm anih kơjung Sư gô kơ'nơp tơ lăm kông tơmo kơjăp tơmam sa sư rơkah rơkai, đak nhă sư mah ling-lang.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

I Sam 15:29

Hloh kơ noh Kră Yang arih ling-lang lu bơngai Isơrael ưh kơ pơma hơlĕnh, kư̆m ưh kơ tơplih nơ̆r; yua kơ ưh kơ trŏ kơ kon bơngai na mă tơplih nơ̆r!

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Hêbrơ 12:26

Kơplah Sư pơma kơ lu bơngai noh sơ̆, nơ̆r Sư pơma pơm kơ teh adrŏ. Ahrei Sư khan thoi âu dơ̆ng: “Pă minh 'măng Inh pơm, ưh pă pơm kơdrô̆ teh boih; Inh wă pơm pơđĭ plĕnh păng teh hloi.”

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

Êsai 33:21

Tơ noh Kră Yang mơsêh gô oei hơdai bơ̆n lăm tơdrong 'lơ̆ng rŏ Sư, đei Krong să tơ noh thŏng-nan ayăt ưh kơ gơh năm, kư̆m ưh kơ đei duk tih ayăt gơh chă năm brih găn mơ̆n.

Je 17:17

Ih boih jơ̆ anih mă inh kơ'nơp năr đei tơdrong pơmat-tat truh, 'Nĕ pă pơm kơ inh hli tơrơ!

Na 1:7

Kră Yang 'lơ̆ng rŏ, jing kơđông kơ'nơp kơjăp lăm năr đei tơdrong gleh truh păng Sư băt kơ dôm lu bơngai kơ'nơp lăm Sư.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Sa 9:12

Ơ lu bơngai bơnă mă đei tơdrong gơnang chang gô, brŏk bĕ tơ anih kơjăp, lăm năr âu boih inh khan gô pơm 'mong ăn kơ ih hloh 'bar wơ̆t dơ̆ng.