Jôel 2:20 - Sơ̆p Hlabơar Nơ̆r 'Bok Kei-Dei

²⁰ Inh gô puh tơweh lu sư mă đơ̆ng gah yă-nơ̆m weh ataih đơ̆ng lu iĕm, păng puh tơmơ̆t lu sư tơ lăm teh hrĕng kro, păng tơ bri brah, puh lê̆ lu sư mă yak adrol huŏng tơ lăm đak dơsĭ gah hơlĕch, păng lu linh đơ̆ng rŏng huŏng tơ lăm dơsĭ gah bơmơ̆t. 'Bâu ôm păng 'bâu khach lu sư yuh đông jơ̆p-jang, yua kơ Kră Yang đei pơm boih tơdrong mơsêh tih.

Jôel 2:20 Referans Kwoze

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Êsai 34:3

Lu bơngai đe pơlôch, đe gô klơ̆m hŭt lê̆ lu sư. 'Bâu ôm atâu bơngai lôch jơ̆p-jang, rim kơ kông 'bĕnh-'bang kơ pham.

Both 11:24

Tơ anih ayơ tơpang jơ̆ng lu iĕm juă, tơ noh jing anih lu iĕm. Teh hơdral lu iĕm đơ̆ng char glă truh tơ Liban đơ̆ng Krong Ơphrat truh tơ dơsĭ gah bơmơ̆t.a

Êsêkiên 47:18

'Nâu gah hơlĕch iŏk đơ̆ng sơlam Hauran păng pơlei Đamas 'moi rok đak Krong Jôrđăn tŏk-bŏk pơlei Gileat păng teh đak Isơrael, lĕch tơ đak dơsĭ gah hơlĕch, tôch tơ Tamar; noh boih hơdral gah hơlĕch.

Le 10:19

Kră Yang ăn kial đơ̆ng gah bơmơ̆t truh tih tơpă, dơhlu anhăk lep tơhuŏng lê̆ tơ đak dơsĭ 'brê; jơ̆p kơ anih lăm dêh Êyiptơ ưh pă đei minh pôm lep ayơ dơ̆ng.

II Pot 8:13

Hasael tơl: “Đam ih noh bu? Noh thoi minh pôm kŏ đĕch; liơ gơh pơm tơdrong tih dêh thoi noh?” Êlisê tơl: Kră Yang 'Bok Kei-Dei tơbăt ăn kơ ĭnh bơih, ih gô pơm pơtao char Aram.

Le 8:14

Lu đe dônh akŭm kit tih iĕ hơlôk hơlak thoi pôi tih păng 'bâu ôm jơ̆p-jang kơ dêh sư.

Horiso 126:3

Kră Yang đei tơgŭm lu nhôn tih tơpă; lu nhôn chơt hiôk.

Malachi 3:11

Inh gô găn lu hơdrông kơnu wă kơ lu sư huay kăp kuer sa pơkao plei 'long đơ̆ng teh iĕm; păng lu tơm 'long hơmu lăm mir pơgar plei pơkao sư huay kơ hơlŭng adrol kơ bơyan sư, Kră Yang khan thoi noh.