Jo 9:5 - Sơ̆p Hlabơar Nơ̆r 'Bok Kei-Dei

⁵ Lu bơngai Isơrael pơm 'blŏk hơdơ̆r kơ năr giĕng Năm Brih lăm khei mônh, năr mơjĭt-puăn, gah kơsơ̆ măng, tơ char glă Sinai, pơm kiơ̆ dôm tơdrong thoi Kră Yang đei khan pơkă kơ Môis.

Jo 9:5 Referans Kwoze

Jôsuê 5:10

Kon pơlei Isơrael pơm anih tơ Gilgal lăm Thŭng dơnă pơlei Jêrikô păng pơm giĕng Năm Brih kơplah drơ̆m kơsơ̆, trŏ kơ năr mơjĭt-puăn khei noh.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Hêbrơ 3:5

Môis sư pơm đĭch đam 'Bok Kei-Dei jang tơgŭm kơ đĭ-đăng hnam dơnŏ 'Bok Kei-Dei sơ̆. Sư jang tơnen dêh, sư jang kiơ̆ kơ 'Bok Kei-Dei pơkă hloi. Sư 'bok khan lê̆ hơdrol bơtho tơbăt kơ kon bơngai gah tơdrong ning-mônh.

Jang 26:19

“Ơ pơtao Agripa, inh pơm kiơ̆ kơ Kră Yang Yêsu athei inh ei.

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

Both 1:3

Lăm sơnăm mă puăn-jĭt năr mă mônh khei mơjĭt-mônh, Môis pơma khan kơ kon pơlei Isơrael dôm tơdrong mă đơ̆ng Kră Yang. Kră Yang tơtă kơ sư athei pơma khan kơ lu đe noh.

Jo 29:40

Môis roi kơ lu bơngai Isơrael dôm tơdrong mă Kră Yang đei pơkă athei sư.

Jo 8:20

Thoi noh Môis, Arôn păng đĭ-đăng khŭl bơngai Isơrael akŭm hơdai pơm ăn kơ lu bơngai Lêwi kiơ̆ thoi Kră Yang đei pơkă khan kơ Môis; lu bơngai Isơrael pơm hăm lu bơngai Lêwi thoi noh.

Le 39:42

Đĭ-đăng lu kon pơlei pơla Isơrael pơm keh tôm tơdrong jang noh kiơ̆ thoi nơ̆r Kră Yang pơkă boih kơ Môis.

Le 39:32

Thoi noh tơdrong pơm Bơsŭn Anih Akŭm keh đang boih. Kon pơlei Isơrael pơm kiơ̆ thoi dôm nơ̆r Kră Yang pơkă hăm Môis.

Bl 7:5

Na Nôê pơm kiơ̆ tôm dôm lu nơ̆r đơ̆ng Kră Yang đei pơkă kơ sư.

Bl 6:22

Nôê pơm tôm tơdrong âu trŏ 'blep thoi Kră Yang 'Bok Kei-Dei đei pơkă.

Jo 9:4

Thoi noh Môis athei lu bơngai Isơrael răk 'blŏk hơdơ̆r kơ năr giĕng Năm Brih.

Le 12:50

Đĭ-đăng kon pơlei Isơrael lu sư pơm kiơ̆ thoi noh; kiơ̆ thoi Kră Yang tơtă ăn kơ Môis păng Arôn boih.

Jo 1:54

Lu kon pơlei bơngai Isơrael pơm kiơ̆ thoi nơ̆r Kră Yang đei pơkă boih hăm Môis.