Jo 9:15 - Sơ̆p Hlabơar Nơ̆r 'Bok Kei-Dei

¹⁵ Lăm năr đei pơdơ̆ng tơiung Bơsŭn Anih Akŭm đei hơmơ̆l gom Bơsŭn noh, Bơsŭn Tơdrong Tơbăt; đơ̆ng drơ̆m kơsơ̆ đei ŭnh kơpal Bơsŭn Anih Akŭm dĭng truh pơgê dơning.

Jo 9:15 Referans Kwoze

Le 13:21

Kră Yang năm adrol kơ kon pơlei, tơ kơ'năr hăm minh pôm jrăng hơmơ̆l, wă ba trong yak năm; tơ kơmăng hăm minh pôm jrăng ŭnh, wă pơchrang ăn kơ lu sư, wă kơ lu sư gơh năm ling-lang kơ'năr păng kơmăng.

Le 40:34

Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Horiso 78:14

Sư chông ba lu sư kơ'năr hăm hơmơ̆l, kơmăng hăm hơdah ŭnh.

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

I Kor 10:1

Ơ 'nhŏng oh, gah tơdrong lu yă 'bok bơ̆n sơ̆, 'Bok Kei-Dei tơgŭm lu sư tơpă. 'Bok Kei-Dei ăn hơmơ̆l wei-lăng lu sư păng 'Bok Kei-Dei kư̆m tơgŭm lu sư tŏk găn đak dơsĭ huay kơ đei tơdrong kiơ.

Êsai 4:5

Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Horiso 105:39

Sư bơyar hơmơ̆l wă kơ pơyơ̆l kơ kon pơlei Sư, Păng kơmăng đei ŭnh pơchrang hơdah.

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Jo 14:14

păng đei roi tơbăt ăn kơ kon pơlei char 'nâu. Ơ! Kră Yang lu sư băt Ih oei hơdai hăm lu kon pơlei âu, yua kơ Ih tơ'bôh kơ lu sư, hơmơ̆l dơ̆ng boih kơpal lu kon pơlei âu păng Ih yak adrol, jrăng hơmơ̆l gah kơ'năr, jrăng ŭnh gah kơmăng.

Le 40:38

Lăm rim trong kon pơlei Isơrael yak năm đei hơmơ̆l Kră Yang tơ kơpal Bơsŭn Anih Akŭm tơ kơ'năr đei hơmơ̆l gom păng kơmăng đei ŭnh lĕch pơchrang kơpal tơ'bôh 'bơ̆t anăp đĭ-đăng kon pơlei Isơrael.

Le 40:2

Năr mă mônh lăm khei mônh ih athei pơdơ̆ng tơiung Bơsŭn Anih Akŭm.

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Le 13:22

Kơ'năr jrăng hơmơ̆l ưh kơ đei layơ weh đơ̆ng kon pơlei, jrăng ŭnh tơ kơmăng kư̆m lei-lăi.

Jo 10:34

Kơplah kơ'năr, kon pơlei Isơrael yuih anih bơsŭn lu sư yak năm, na hơmơ̆l Kră Yang kiơ̆ hơdai kơpal lu sư.

Jo 17:7

Môis tah lu 'long jra noh 'bơ̆t anăp Kră Yang tơ lăm Bơsŭn Roi Tơbăt.

Both 1:33

Jơ̆ Tơ'ngla năm adrol chông lu iĕm năm rok trong wă chơchă kơ lu iĕm minh anih oei; kơmăng yua ŭnh, kơ'năr yua hơmơ̆l, wă ba trong lu iĕm yak năm.

Le 40:35

dĭng mah Môis ưh kơ gơh kơ mơ̆t lăm Bơsŭn Anih Akŭm, yua kơ hơmơ̆l tơdrong hơdah rang mơnhal Kră Yang 'bĕnh kơ Bơsŭn.