Jo 4:5 - Sơ̆p Hlabơar Nơ̆r 'Bok Kei-Dei

⁵ tơdah wă weh tơ nai plôh bơsŭn Anih akŭm, Arôn păng lu kon drŏ-nglo sư yaih lang che pĕng anih 'lơ̆ng rơgoh, na klơ̆p gom lê̆ hom tơdrong pơgơ̆p hăm che noh,

Jo 4:5 Referans Kwoze

Hêbrơ 9:3

Tơ rŏng, mơ̆t kơ 'măng mă 'bar đei anih lăm. Anih noh đe anăn anih giĕng soi tih.

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Hêbrơ 10:20

Bơ̆n rok trong 'nao, trong arih Yêsu pơih ăn, Sư dang hek tŭk che đe pĕng kuă ăn bơ̆n mơ̆t, wă khan akâu Sư kơdih lôch tang, pham lĕch sĕch huŏng, wă kơ bơ̆n gơh mơ̆t.

Êsai 25:7

Tơ kơpal kông âu, Sư gô pơrăm lê̆ che pĕng măt đĭ-đăng kon pơlei pơla păng che pĕng măt đĭ-đăng teh đak.

Jo 10:14

Hla-kơ adrĕch Juđa, yak kiơ̆ kơ khŭl, yak adrol. Nahsôn kon drŏ-nglo Aminađap pơm yŏng kơdră pơyơ̆r lu sư.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Le 40:3

Dan hom pơgơ̆p tơ lăm noh păng iŏk che pĕng găn lê̆.

Le 36:35

Sư pơm minh blah che hăm brai jơk, 'brê gôh, 'brê hơhĭm păng che 'bui tanh brai se, tanh rup chêrubim 'lơ̆ng dêh.

Le 40:5

Dan chơnang soi maih wă soh tơmam 'bâu phu 'bơ̆t anăp hom pơgơ̆p păng iŏk che dăng pĕng klơ̆p 'măng mơ̆t tơ bơsŭn.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Jo 4:4

'Nâu tơdrong jang lu adrĕch kon sâu Kôhat lăm Bơsŭn Anih Akŭm, lu sư wei-lăng tơmam rơgoh hloh,

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

I Sam 6:19

Kră Yang phak kon pơlei Bêt Sêmes yua kơ lu sư pơih lăng tơ lăm Hom Pơgơ̆p Kră Yang. Sư pơlôch tơpơh-jĭt 'nu lăm lu sư. Kon pơlei nhơ̆m hmoi yua kơ Kră Yang phak lu sư tih tơpă.

I Ho 15:15

Lu bơngai Lêwi iŏk 'long tơnung tung Hom Pơgơ̆p Kră Yang 'Bok Kei-Dei tơ kơpal hơngiĕng, thoi Môis bơtho khan kiơ̆ kơ nơ̆r Kră Yang.

I Ho 23:26

Bơngai Lêwi kư̆m ưh pă kăl tung tôi bơsŭn dah lu tơmam gah tơdrong jang bơsŭn dơ̆ng.

II Ho 3:14

Sư kư̆m pơm che pĕng iŏk brai jơk 'brê hơhĭm, 'brê gôh, tơ kơpal che 'bui se noh sĭt dônh pơm rup chêrubim.