Jo 35:2 - Sơ̆p Hlabơar Nơ̆r 'Bok Kei-Dei

² Tơtă bĕ kơ lu kon sâu adrĕch Isơrael wă kơ lu sư klah asong ăn teh đơ̆ng lu sư đei, kơ lu bơngai Lêwi oei tơ lăm pơlei tih; păng asong ăn hloi teh kơ lu sư tơ tăp dăr kơ pơlei tih noh,

Jo 35:2 Referans Kwoze

Êsêkiên 48:8

'Moi rok teh asong kơ Juđa, đơ̆ng hơdral gah hơlĕch truh tơ hơdral gah bơmơ̆t, noh teh lu iĕm athei 'măn lê̆ pha, wơ̆l sư 'bar-jĭt pơđăm-rơbâu hơgăt tor sư dang ăi teh asong kơ lu adrĕch đơ̆ng hơdral gah hơlĕch truh tơ hơdral gah bơmơ̆t Anih Hnam Akŭm oei tŏk-bŏk tơ lăm teh 'nâu.

Êsêkiên 48:22

Thoi ei teh jang sa kơ lu bơngai Lêwi păng teh jang sa pơlei tih, gô oei tơ lăm tŏk-bŏk teh yŏng pơgơ̆r. Teh asong yŏng pơgơ̆r oei tơ lăm tŏk-bŏk sơlam kơ teh bre Juđa hăm Bênjamin.

Jo 35:1

Kră Yang khan kơ Môis 'bơ̆t lăm thŭng glă char Môap jê̆ đak Krong Jôrđăn tơklă anăp pơlei Jêrikô:

Jo 35:3

Bơngai Lêwi lu sư gô đei oei lăm lu pơlei tih; na teh 'nhĕt tăp dăr kơ pơlei tih noh lê̆ kơ khŭl sem dơrong lu sư sa.

Both 18:6

Tơdah đei minh 'nu bơngai Lêwi wă lê̆ pơlei mă sư oei lăm lu bơngai Isơrael, wă năm tơ anih Kră Yang rơih,

II Ho 11:14

Lu bơngai Lêwi mă achăng lê̆ pơlei hăm teh jang sa lu sư năm oei tơ char Juđa păng pơlei tih Jêrusalem, yua kơ Jêrôbôam hăm lu kon drŏ-nglo sư pơpuh lu sư, ưh pă ăn kơ lu sư pơm 'bok soi jang kơ Kră Yang dơ̆ng.

II Ho 31:19

Gah lu 'bok soi kon sâu Arôn, mă oei tơ mir na, tơ jê̆ kơ pơlei lu sư, dah oei tơ lăm rim pơlei nai, lu sư jang asong tơmam kơ đĭ-đăng kon drŏ-nglo lăm lu 'bok soi păng lăm lu bơngai Lêwi chih jô̆ boih lăm adrĕch 'bok lu sư.

I Ho 13:2

Đawit khan kơ đĭ-đăng lu kon pơlei Isơrael: “Tơdah lu iĕm 'bôh tơdrong 'nâu 'lơ̆ng păng lăp đon Kră Yang 'Bok Kei-Dei lu bơ̆n, lei bơ̆n wơh bơngai năm jơ̆p anih, tơ 'nhŏng oh lu bơ̆n mă oei tơ jơ̆p-jang dêh Isơrael, pơtơm lu 'bok soi păng bơngai Lêwi lăm rim pơlei tơring lu sư wă akŭm hơdai hăm lu bơ̆n.

Ne 13:10

Inh băt đe ưh kơ song tơmam sa kơ lu bơngai Lêwi; yua kơ thoi noh lu bơngai hơri păng bơngai Lêwi achăng lê̆ tơdrong jang na brŏk tơ hnam kơdih jang mir chŭn.