Jo 35:15 - Sơ̆p Hlabơar Nơ̆r 'Bok Kei-Dei

¹⁵ Tơdrâu tŏ pơlei tih 'nâu wă pơm anih ăn kơ lu bơngai Isơrael ôn kơ'nơp, hăm kư̆m ăn kơ lu kon pơlei tơmoi păng lu bơngai mă oei lăm pơlei tih noh, wă kơ lu bơngai bu mă hơch 'bơm pơlôch đe gơh kơ kơdâu ôn tơ noh.

Jo 35:15 Referans Kwoze

Jo 15:16

Gô đei minh khôi juăt păng tơdrong juăt lei-lăi ăn kơ lu iĕm păng kơ lu bơngai tơmoi mă oei hơdai iĕm.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Rom 3:29

Bĭ iĕm tơchĕng thoi yơ, 'Bok Kei-Dei Sư Kră Yang lu bơngai Juđê đĕch dah lu bơngai nai hai? Sư Kră Yang lu bơngai nai hai mơ̆n.

Lêwi 24:22

Mă bơngai tơmoi lăm pơlei pơla kơdih kư̆m gô yua minh tơdrong juăt đĕch; yua kơ Inh boih Kră Yang 'Bok Kei-Dei lu iĕm.

Le 12:49

Kŭm đei lei-lăi minh tơdrong juăt ăn lu bơngai tơpŭ lăm dêh iĕm hăm bơngai tơmoi ayơ truh oei hơdai hăm lu iĕm.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Jo 35:11

athei rơih chă kơ iĕm pơlei tih wă pơm pơlei ôn kơ'nơp, anih kơ lu bơngai mă hơch 'bơm pơlôch đe, gơh kơdâu ôn.

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.