Jo 33:1 - Sơ̆p Hlabơar Nơ̆r 'Bok Kei-Dei

¹ 'Nâu anih lu bơngai Isơrael yak păng pơdơh đơ̆ng rŏng kơ lu sư lĕch đơ̆ng dêh char Êyiptơ kiơ̆ kơ khŭl sư, đei Môis păng Arôn pơgơ̆r wei-lăng.

Jo 33:1 Referans Kwoze

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.

Jôsuê 24:5

Đơ̆ng noh, Inh wơh Môis hăm Arôn yua tơdrong mơsêh wă pơrăm tơ lăm char Êyiptơ; na Inh 'ba lu iĕm lĕch đơ̆ng noh.

Le 13:18

Lei na Kră Yang 'Bok Kei-Dei chông ba lu kon pơlei năm dăr rok kiơ̆ trong lăm char glă, gah Đak Dơsĭ 'Brê. Kon pơlei Isơrael chĕp khêl đao lĕch đơ̆ng dêh Êyiptơ.

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Le 12:37

Kon pơlei Isơrael năm đơ̆ng pơlei Ramse truh tơ pơlei Sukôt, ưh kơ đei jô̆ lu bơngai drŏ-kăn păng lu hơ'lơ̆p, đĭ-đăng đei tơdrâu-hrĕng rơbâu 'nu bơngai drŏ-nglo.

Jo 33:2

Môis chu kiơ̆ nơ̆r Kră Yang tơtă chih jô̆ anih trong lu kon pơlei yak năm, hăm chih jô̆ kiơ̆ kơ anih lu sư pơdơh. Thoi noh 'nâu lu anih lu sư pơdơh păng trong lu sư yak năm.

Horiso 105:26

Sư wơh Môis đĭch đam Sư păng Arôn bơngai mă Sư rơih boih.

Le 6:26

'Nâu boih adrĕch, Arôn păng Môis, wă khan bơngai mă Kră Yang bơtho khan: Athei chông anhăk kon pơlei Isơrael lĕch đơ̆ng dêh Êyiptơ.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.